Мамлакатимизда ижро этувчи ҳокимият органлари ташкил этилишининг тарихий-ҳуқуқий жиҳатлари

¹ Ўзбекистон Республикаси қонун ҳужжатлари тўплами, 2011 йил, №16. 159-модда
30




палаталарининг кўриб чиқиши ва тасдиқлаши учун таклиф этиши Конституциямизда ўз ифодасини топди. Шу билан бир қаторда, Ўзбекистон Республикаси Вазирлар Маҳкамасининг аъзолари Бош вазир тақдимига биноан Ўзбекистон Республикаси Президенти томонидан тасдиқланиши белгиланди. Шунингдек, Бош вазир фаолиятига нисбатан ишончсизлик вотуми институти жорий этилди. Президентнинг ижро этувчи ҳокимият девонини тузиши ва унга раҳбарлик қилиш ваколати ҳам чиқариб ташланди.
2014 йил 16 апрелда “Ўзбекистон Республикаси Конституциясининг айрим моддаларига ўзгартиш ва қўшимчалар киритиш тўғрисида (32, 78, 93, 98, 102 ва 117-моддаларига)”¹ги Ўзбекистон Республикаси Қонуни билан Конституциянинг 98-моддаси бутунлай янги таҳрирда баён этилди. Янги ўзгартишга кўра, Бош вазирга энди Президент топшириғисиз ҳам халқаро муносабатларда Ўзбекистон Республикаси Вазирлар Маҳкамаси номидан иш кўриш ҳуқуқи берилди.
Шунингдек, Конституция 93-модда биринчи қисми 10-бандида Президент томонидан Ўзбекистон Республикаси Бош вазирини лавозимидан озод қилиш асослари аниқлаштириб берилди.
Вазирлар Маҳкамаси ўз фаолиятида жавобгар бўлган органлар кетма- кетлиги ўзгардики, агар аввал Конституциямиз 98-моддасига асосан Вазирлар Маҳкамаси ўз фаолиятида жавобгар бўлган органлар қаторида авваламбор Ўзбекистон Республикаси Президенти сўнгра Ўзбекистон Республикаси Олий Мажлиси белгиланган бўлса, ўзгартишга кўра авваламбор Ўзбекистон Республикаси Олий Мажлиси сўнгра Ўзбекистон Республикаси Президенти белгиланди. Мазкур ўзгартиш оддий давлат ҳокимияти органлари жойи ўзгарганигина эмас, балки ижтимоий-сиёсий, ҳуқуқий урғу парламентга берилаётгани, қонунчилик ҳокимиятининг роли ва аҳамияти сезиларли даражада ортаётгани, Вазирлар Маҳкамасининг Ўзбекистон Республикаси Олий Мажлиси олдидаги жавобгарлиги ошаётганлигини, шунингдек, Вазирлар Маҳкамасининг фаолияти устидан