Ma’lumotnoma jizzax shahar

O`ZBEKISTON RESPUBLIKASI OLIY VA O`RTA MAXSUS TA`LIM VAZIRLIGI
JIZZAX POLITEXNIKA INSTITUTI “TRANSPORT” FAKULTETI


2020-YIL 26-NOYABR KUNI “YANGI O`ZBEKISTON- YANGICHA DUNYO QARASH” SHIORI OSTIDA, FORISH TOG` POLIGONIDA O`TKAZILGAN BAYRAM TADBIRI TO`G`RISIDA
MA’LUMOTNOMA
Jizzax shahar 26.11.2020.
Jizzax viloyatida Markaziy harbiy okrug qo‘mondonligi va Jizzax viloyati hokimligi hamkorligida “Yangi O‘zbekiston — yangicha dunyoqarash” shiori ostidagi noan’anaviy harbiy vatanparvarlik festivali bo‘lib o‘tdi.
Ushbu tadbirda Jizzax politexnika instituti “Transport” fakulteti o’qituvchi va talabalari faol ishtirok etishdi.
“Forish” tog‘ poligonida o‘tkazilgan festivalning tantanali ochilish marosimida so‘z olganlar mamlakat bo‘ylab o‘tkazilayotgan tadbirlarning mazmun mohiyati hamda harbiy xizmat muqaddas burch, yuksak sharaf ekanini ta’kidlab, yoshlarni Vatan himoyasiga ruhlantiruvchi fikrlar bildirdi.

Viloyat musiqali drama teatri jamoasi hamda harbiylar tomonidan Jaloliddin Manguberdining Chingizxon ustidan qilgan g‘alabasi haqidagi jonli sahna ko‘rinishi namoyish etildi. Jizzax hamda Samarqand garnizoni harbiy orkestrlarining badiiy-musiqiy chiqishlari bo‘lib o‘tdi.

Festival davomida jangovor texnika va qurol-aslahalar, kiyim-kechak, oziq-ovqat mahsulotlari xamda Jizzax politexnika institutining iqtidorli talabalari tomonidan yaratilgan ixtiro va ishlanmalar ko’rgazmasi tashkil etildi. Dala o‘quv maydonida vatan himoyachilarining jangovor qurollardan foydalanib nishonlarga qarata aniq va tez o‘t ochish kabi chiqishlar namoyish etildi.

Tadbir davomida milliy kurash, tosh ko‘tarish, arqon tortish, kamondan o‘q otish, qo‘l jangi, bilak kuchini sinash musobaqalari o‘tkazilib,bunda fakultet talaba yoshlari, ko‘ngilli va ishqiboz chavandozlar uloq ko‘pkari, ot choptirish o‘yinlarida sovrin uchun kurashdi.
Mudofaaga ko‘maklashuvchi “Vatanparvar” tashkilotining harbiy-sport texnikalari, samo uzra parvoz qilgan samolyotlar, kinologiya va kavaleriya qo‘shinlari chiqish qildi.
Markaziy harbiy okrugi qo‘mondonligi tashabbusi bilan O‘zbekistonda ikkinchi marotaba tog‘ yon bag‘rida ovchilar va harbiylar o‘rtasidagi musobaqa tashkil etildi. Unda ovchilar va harbiylar uzoq masofadagi harakatsiz va harakatdagi nishonlarga ov qurollaridan o‘t ochish bo‘yicha bahslashdi.

“Transport” fakultet yoshlar bilan

ishlash bo‘yicha dekan oʼrinbosari: G.Soatova