Маълумот-ахборот ҳужжатларини тайёрлаш ва ёзиш 01 02 03 Режа

АРИЗА

Ариза - муайян муассасага ёки мансабдор шахс номига бирор илтимос, таклиф ёки шикоят мазмунида ёзиладиган расмий ҳужжат. Ариза амалиётда энг кўп қўлланадиган ва кенг тарқалган иш қоғозидир. Мактаб ўкувчиси ва талаба, менежер ва агроном ёки фермер, муҳандис ва олим, тадбиркор ва мансабдор шахс — жамиятнинг барча аъзоси ариза ёзишдан холи эмас. Ариза ёзувчиларнинг ёши ва лавозими, ариза йўлланаётган муассасалар ва идоралар ғоят хилма-хилдир. Аризалар боғча мудирасига, мактаб директорига, олий ўқув юрти ректорига, корхона директорига, туман/шаҳар раҳбариятига - хуллас, оддий аризачининг таклиф, илтимос ёки шикоятини куриб чиқиб хал қила оладиган ҳар хандай идора, ҳар қандай бошлиқ номига ёзилиши мумкин.

Хажми, услуби ва туридан қатъи назар, ариза ўзининг умумий зарурий қисмларига эга ва у ана шу қисмларнинг изчиллиги асосида тузилади.
Аризанинг зарурий қисмлари:
1.Ариза йулланган муассасанинг ёки мансабдор шахснинг номи.
2.Ариза ёзувчининг турар жойи, вазифаси, исми, ота исми ва фамилияси.
3.Хужжатнинг номи (Ариза).
4.Асосий матн (таклиф, илтимос, шикоят).
5.Аризага илова қилинадиган ҳужжатлар номи (агар зарур деб топилса).
6.Ариза ёзувчининг имзоси, исми ва ота исмининг бош ҳарфлари, фамилияси.
7.Ариза ёзилган вақт (йил, кун ва ой).

Шуни эслатиб ўтмоқ жоизки, аризанинг зарурий қисмлари барча аризаларда ҳам бирдай такрорланавермайди. Масалан, ходим ўзи ишлаётган корхона ёки идора раҳбариятига ариза ёзганда, унинг яшаш жойи хақидаги маълумот зарур булмайди. Бундай холларда ходим ўзи ишлайдиган бўлим ва лавозимини кўрсатса, кифоя. Шунингдек, кўпчилик аризалар учун иловаларнинг ҳам ҳожати бўлмайди.

Шуни эслатиб ўтмоқ жоизки, аризанинг зарурий қисмлари барча аризаларда ҳам бирдай такрорланавермайди. Масалан, ходим ўзи ишлаётган корхона ёки идора раҳбариятига ариза ёзганда, унинг яшаш жойи хақидаги маълумот зарур булмайди. Бундай холларда ходим ўзи ишлайдиган бўлим ва лавозимини кўрсатса, кифоя. Шунингдек, кўпчилик аризалар учун иловаларнинг ҳам ҳожати бўлмайди.