Maǵliwmatlar bazasi, olardiń TÚrleri tema: Maǵlıwmatlardın informaciyalıq modelleri Reje

Soraw hám tapsırmalar.

1.MySQL di ornatıwda nelerge itibar beriliw kerek?

2.MySQL serverinde bir neshe bazanı basqarıw qalay ámelge asırıladı?
3.MySQL MBBS nıń basqa web ke baǵdarlanǵan sistemalardan ózgesheliklerin túsindirip beriń.
4.Apache web-serveri tuwralı maǵlıwmat beriń.
5.PHP sazlamalarınan qosımsha sazlamalarına mısallar keltiriń.
6.PHP diń islep turǵanlıǵın tekserip kóriw ushın neler isleniw kerek?


PHP járdeminde MySQL di basqarıw
MySQL hám PHP lerdi ornatıp hám sazlap bolǵannan keyin maǵlıwmatlar bazası menen islesiw ushın PHP tilinde scenariyler jaratıwǵa kirisemiz. PHP hám MySQL-serveriniń óz-ara islesiwi tómendegi ulıwma kóriniske iye.

1. 
   MySQL-serverine jalǵanıw.
   
2. 
   Islesetuǵın maǵlıwmatlar bazasın tańlaw.
   
3. 
   SQL-zapros qatarın jaratıw.
   
4. 
   Zaprostı orınlaw.
   
5. 
   Nátiyjelerdi alıw hám olardı web-betinde kórsetiw.
   
6. 
   3-5 qádemlerdi kerekli bolǵan barlıq maǵlıwmatlar alınıp bolǵansha tákirarlaw.
   
7. 
   MySQL-serverinen baylanıstı úziw.
   

Endi hár bir basqıshtı ámelge asırıwǵa imkan beriwshi PHP funkciyların kórip ótemiz.


mysql_connect
Funkciyanıń sintaksisi tómendegishe:
resource mysql_connect ([string server [,
string username [,
string password [,
bool new_link [,
int client_flags]]]]])
Bul funkciya tarmaq adresi server parametri menen berilgen MySQL-serveri menen baylanıstı ornatadı. Funkciyanıń ekinshi (username) hám úshishi (password) argumentleri sáykes túrde maǵlıwmatlar bazası paydalanıwshısınıń atı hám paroli esaplanadı. Eger funkciyanıń tórtinshi (new_link) parametrine TRUE mánisin qoysaq, onda server menen jańa baylanıs ornatıladı. client_flags parametri tómendegi konstantalardıń kombinaciyasınan ibarat bolıwı kerek:

• 
  MYSQL_CLIENT_COMPRESS – server hám klent arasındaǵı informaciya almasınıwında qısıw protokolın qollanıwın belgilep beredi;
  
• 
  MYSQL_CLIENT_IGNORE_SPACE – SQL-zaproslarda funkciya atlarınan keyin bos orınnan paydalanıwǵa ruxsat beredi;
  
• 
  MYSQL_CLIENT_INTERCATIVE – eger server hám klient arasında maǵlıwmat almasınıwı bolmasa, baylanıs jabılıwın interactive_timeout sekundqa shekem kútiw.
  

Funkciyanıń barlıq argumentleri isletiliwi shártli emes bolıp esaplanadı. Argumentler bolmaǵan jaǵdayda olardıń ornına standart bolǵan mánisler qabıl etiledi: server = 'localhost:3306', username MySQL-serveri processi paydalanıwshısınıń mánisin hámde password bos qatardı qabıl etedi.
Eger server menen baylanıs ornatılsa, onda funkciya usı baylanıs deskriptorı mánisin qaytaradı, al eger baylanıs ornatılmasa, onda FALSE mánisin qaytaradı.
1-mısal. mysql_connect funkciyasınıń qollanılıwı.
$dbserver = "localhost"; // server atı
$dbuser = "root"; // paydalanıwshınıń atı
$dbpassword = "" // parol
$dbcnt = @mysql_connect($dbserver,$dbuser,$dbpassword);
if (!$dbcnt) // Eger descriptor 0 ge teń bolsa, baylanıs ornatılmadı
die("Server menen baylanis ornatilmadi");
?>
mysql_connect funkciyası aldında qollanılǵan @ belgisi brawzer aynasında PHP qáteliklerin kórsetpew maqsetinde qollanıldı.
Qaǵıyda sıpatında $dbserver, $dbuser, $dbpassword ózgeriwshileri server atın, paydalanıwshınıń atın hám parolin bildirip, olar bólek faylda (máselen, dbconfig.php) saqlanadı. Keyinshelli usı fayl MySQL-serveri menen baylanıstı talap etiletuǵın PHP-fayllarına biriktiriledi.