Maǵliwmatlar bazasi, olardiń TÚrleri tema: Maǵlıwmatlardın informaciyalıq modelleri Reje

Gilt yamasa giltli maydan bul – eki kesteniń óz-ara baylanısıwın anıqlap beretuǵın hám bul eki keste ushın ulıwmalıq bolǵan maydan.
Relyacion kesteler strukturası maydan duzilisi menen anıqlanadı. Hár bir maydan belgili bir zattıń maǵanasın súwretleydi. Maydan ushın tipi, ólshemi hám basqada bir qatar qásiyetleri kórsetiledi. Kesteniń mazmunı onıń qatarlarında struktura boyınsha bir tipliliginen quralǵan. Kesteniń hár bir qatarı zattıń anıq bir maǵanası haqqında maǵlıwmattan turadı hám ol jazıw (запись) dep ataladı. Jazıw strukturası oǵan kiretuǵın maydanlar quramı menen anıqlanadı. Jaziwdıń bir mánistegi anıqlaması (identifikatsiyası) ushın keste ájayıp (dáslepki) giltke iye bolıwı kerek. Keste giltiniń mánisi boyınsha kesteden bir jazıw izlenedi. Gilt kesteniń bir yamasa bir neshe maydanlarınan turıwı múmkin.
Relyacion maǵlıwmatlar bazasında eki keste baylanısı birden – birge (1:1) yamasa birden-kópke (1:k) qatnasıǵı kórinisindegi jazıw menen xarakterlenedi. (1:1) qatnasıǵı bir kesteniń hár bir jazıwı basqa kesteniń bir jazıwına sáykes keledi degendi ańlatadı. (1:M) qatnasıǵı birinshi kesteniń hár bir jazıwı ekinshisiniń kóplegen jazıwına sáykes keledi, biraq ekinshı kesteniń hár bir jazıwı birinshi kesteniń tek ǵana bir jazıwına sáykes keledi.
Hár bir maydan óziniń tipine iye. Maydan atı hám tipi beriliwi shárt. Maydan tipleri maǵlıwmatlardı toltırıwda paydalanadı. Túrli tiptegi maydanlar túrli maqsetlerde isletiledi hám túrli qásiyetlerge iye boladı.
Maydanlardıń tıpleri menen tanısıp shıǵamız:
1. Qısqa tekstli maydan – belgiler sanı 255 ten aspawı kerek.
2. MЕMО maydan yamasa úlken ólshemdegi tekstli maydan - bеlgiler sanı 65535 ten aspawı kerek.
3. Sanlı maydan – sanlı maǵlıwmatlardı kiritiwge xızmet etedi hám esaplaw jumısların orınlawda paydalanıladı. Bul maydan 1,2,4,8 hám 16 bаytlı bolıwı múmkin.
4. Sáne hám waqıt maydanı – bul maydan sáne hám waqıttı kiritiwde hám saqlap qoyıwda isletiledi. 8 bayt ólshemge iye.
5. Pul birligi atlı maydan – bul maydannan esap sanaq jimısların alıp barıwda paydalanıladı.
6. Esaplawshı maydan – bul maydan Avtomat túrde belgili bir sanǵa ósip barıw qásiyetine iye hám 4 bayt uzınlıqqa iye.
7. Logikalıq ámeldi kórsetiwshi maydan – bul maydan «shın» (true) yamasa «jalǵan» (false), «awa» yamasa «joq» mánislerin saqlaydı. Maydan 1 bayt ólshemge iye.
8. OLE atlı maydan – bul maydan Excel kestesin, Word hújjetin, súwret, dawıs hám basqa maǵlıwmatlardı ekilik sanaq sistemasında saqlaydı. Maydan ólshemi 1Gbаytqa shekem.
9. Gipеrssilkа mаydanı – bul maydan bеlgi hám sanlаrdаn ibarаt bolıp, bir fаyl yamasa saytqa jol kórsetedi.
10. Mánisler diziminen ibarat bolǵan maydan – bul maydan bir qansha mánislerden ibarat bolǵan maydan. Bul mаydan bir qаnchа mánislerden ibarat bolǵan dizimnen tańlanǵan anıq bir mánisti sаqlаydı.