Maǵlıwmatlardı anıqlaw – maǵlıwmatlar bazasında qanday maǵlıwmatlar saqlanıwın anıqlaw, maǵlıwmatlardıń sisteması hám túrin, maǵlıwmatlar qanday baylanısqanlıǵın, maǵlıwmatlardı tekseriwdiń formatı hám qásiyetleri beriliwi múmkin.
Maǵlıwmatlardı qayta islew- maǵlıwmatlardı túrli usıllar menen qayta islew, máselen, qálegen maydandı tańlaw filtrlew hám kestelerdegi maǵlıwmatlardı saralaw múmkin. Keste maydanındaǵı maǵlıwmatlardı oǵan óz-ara baylanısqan basqa maǵlıwmatlar menen birlestiriw hám juwmaqlawshı nátitjeni esaplaw múmkin.
Maǵlıwmatlardı basqarıw – maǵlıwmatlar menen tanısıw, olardı redaktorlaw hám jańa maǵlıwmatlardı qosıw ushın kim haqılı ekenligi kórsetiledi2.
Ассеss te keste hár qıylı usılda dúziledi. Hár qanday kestege at qoyıladı. Kesteniń atı 64 belgiden aspawı kerek.
Keste maydannan quraladı. Kestede maydannıń maksimal sanı -255 belgiden aspaydı. Hár bir maydanǵa at qoyıladı. Hár bir maydan anıq maǵlıwmatlar tipine iye. Hár bir keste relyaciyalıq teoriyaǵa tiykarlanıp giltke iye bolıwı kerek.
Access maǵlıwmatlar bazası aynasında onıń obiektleri súwretlenedi. Obiektler menen islewde barlıq ámeller, sonnan maǵlıwmatlar bazasın hám qosımshalardı jaratıwda sol aynada ámelge asırıladı. Access maǵlıwmatlar bazası ózine 32769 ǵa shekem obiekt qabıl etiwi múmkin. Bir waqıttıń ózinde 2048 ge shekem keste ashsa boladı. Kestelerdi import qılsa da boladı.
Maǵlıwmatlar bazasınıń barlıq kesteleri hám Accesstiń basqa obiektleri soraw, forma, esabat, makros hám moduller usı baza ushın qurılǵan hám kiritilgen obiekt accdb formatlı faylda saqlanadı. Bul degeni maǵlıwmatlar bazasın kiritiw texnologiyasın jeńillestiredi hám obiektler menen islew sıpatin beredi. Access qolawlı interfeyske iye, paydalanıwshılar ushın qolaylı.
Microsoft Access programmasın iske túsiriw ushın Пуск túymesinen Все программы bóliminen Microsoft Access 2016 nı tańlaymız hám tómendegi ayna payda boladı. Bul aynadan Пустая база данных bólimi tańlanadı.
Bul jerden fayldıń atı jazıladı, saqlanıw ornı kórsetiledi hám Создать túymesi basıladı. Mısalı D:\Access\Fakultet. accdb
Microsoft Access programması interfeysi payda boladı. Access programmasında payda bolǵan hújjet Database1.accdb dep ashıladı. Atamalar qatarınıń tómeninde menyular qatarı jaylasqan:
Файл
Главная
Создание
Внешние данные
Работа с базами данных
Поля
Таблица
Что вы хотите сделать
Файл bóliminde Cведения, Создать, Открыть, Сохранить, Сохранить как, Печать, Закрыть, Учетная запись, Параметры bólimleri jaylasqan.
Cведения -bóliminde fayl haqqında maǵlıwmat kórsetiledi;
Создать - jańa maǵlıwmatlar bazasın dúziw;
Открыть – komyuter yadindaǵi maǵlıwmatlar bazasın ashıw;
Сохранить - maǵlıwmatlar bazasın kompyuter yadinda saqlaw;
Сохранить как - maǵlıwmatlar bazasın kompyuter yadinda belgili bir orında(papkada) saqlaw;
Печать - maǵlıwmatlar bazasın baspadan shıǵarıw;
Закрыть – programma aynasın jawıp shıǵıw;
Параметры - Accesstiń tiykarǵı ólshemleri;
Главная bóliminde Rejimlerdi tańlaw, Almasıw buferi, Saralaw hám filtrlew, Jazıwlar, Maǵlıwmatlardı izlep tabıw, Tekstlerdi formatlaw jumısları orınlanadı.
Do'stlaringiz bilan baham: |