Malakaviy amalliyot hisoboti

Amaliyot obyektining shakllanish tarixi.

1. 
   Umumiy ma`lumot.
   

1994 yil oktyabrda O’zbekiston Respublikasi Vazirlar Mahkamasining Qarori. 1994 yil 12 oktyabrda O’zbekiston Respublikasi Vazirlar Mahkamasining “O’zbekiston Respublikasida telekommunikasiya tarmoqlari ishini sifatini oshirish va rekonstruksiya qilish chora-tadbirlari to’g’risida”gi 502 – sonli qaroriga asosan, 2 mln. So’m ustav fondi bilan Respublika aksiyadorlik-tijorat “Aloqabank” tashkil etish to’grisida qaror qabul qilindi. 1995 yil 22 martda O’zbekiston Respublikasi Markaziy banki tomonidan ro’yxatga olindi va bank amaliyotlarini amalga oshirish bosh litsenziyasi berildi. Bu sana bankning ochilish kuni hisoblanadi. Dastlab bank Maxsus Aksioner-Tijorat Banki (MATB ) “Aloqabank” deb nomlangan.

21 – avgustda O’zbekiston Respublikasi Markaziy banki tomonidan AT “Aloqabank”da valyuta amaliyotlarini amalga oshirish bosh litsenziyasi ro’yxatga olindi. 1997 yil iyunda ijtimoiy to’lovlar bo’yicha Rossiya rublida “Связь Банк” bilan vakillik munosabatlari o’rnatildi.
Bank bugungi kunda rivojlanishning yangi bosqichiga ega bo`lib, xizmat turlarini kengaytirish, bozorning talablariga muvofiq yangi zamonaviy bank mahsulotlarini ishlab chiqarish va mijozlarga xizmat ko`rsatishni yaxshilashni o`z ichiga oladi.
2002 yil Noyabr oyida bank WESTERN UNION pul o’tkazmalari bilan hamkorlik aloqalari o’rnatadi. 2002 yil 11 noyabrda 15 daqiqa ichida butun dunyo bo’yicha AQSH dollarida pul o’tkazmalarini amalga oshirish uchun WESTERN UNION kompaniyasi bilan shartnoma imzolandi. Sentyabr oyida esa “Banklarda aholi omonatlarini kafolatlash” fondiga a’zo bo’ldi. 2002 yil 5 apreldagi O’zbekiston Respublikasining “Banklarda aholi omonatlarini kafolatlash to’g’risida”gi qonunini amalga oshirish maqsadida “O’zbekiston Respublikasi Banklarida aholi omonatlarini kafolatlash” fondi tashkil etildi. 2002 yil 19 sentyabrda AT “Aloqabank” fondning doimiy a’zosi bo’ldi.
AT “Aloqabank” EXPO – 2013» - bank texnologiyalari, uskunalari va xizmatlari yillik milliy ko’rgazmasi yakunlariga ko’ra, OAT “Aloqabank” “Eng yaxshi texnik jihozlangan stend” nominatsiyasi g’olibi, Farg’ona filiali esa “Tadbirkorlarni moliyaviy qo’llab-quvvatlayotgan eng yaxshi hududiy bank filiali” nominatsiyasi g’olibi bo’ldi.