Malakaviy amalliyot hisoboti

Innovatsion g’oyalarni qo’llash. AT «Aloqabank» doimo har bir mijozga jahon miqyosidagi bank ishi va innovatsion g’oyalarning eng zamonaviy yutuqlariga asoslangan bank mahsulotlari va xizmatlarining majmuasini taqdim qilishga intiladi.
Xalqaro hamkorlik. AT «Aloqabank» mamlakatimiz korxonalariga chet el investorlarini jalb qilish va xorijiy hamkorlarga O’zbekistonda o’zlarining biznes faoliyatlarini amalga oshirishlari uchun zamonaviy g’oyalarni taklif etadi.
Samaradorlik. Har bir operatsiyani amalga oshirishda AT «Aloqabank» qisqa vaqt ichida mehnat va moliyaviy resurslardan eng maqbul ravishda foydalangan holda eng yuqori natijalarga erishishni ko’zda tutadi.
Shaffoflik. Bank doimo faoliyatida sodir bo’layotgan muhim voqealar to’g’risida ishonchli ma’lumotlarni taqdim etadi, chunki axborotlarning shaffofligi – mijozlar va hamkorlarning bankka bo’lgan yuqori darajadagi ishonchi uchun asos va poydevordir.
O’zaro ishonch. Bank o’z mijozlarini biznesni rivojlantirishning asosi deb hisoblagan holda ularning bankka bo’lgan ishonchini qadrlaydi hamda munosabatlarni o’zaro manfaatli sharoitlarda mustahkamlaydi.
Professionallik. Professionallar jamoasini shakllantirgan holda bank o’z hodimlarining malakasini muntazam oshirish uchun zaruriy sharoitlarni yaratadi,ularning ijtimoiy himoyasi hamda motivatsiyasi haqida qayg’uradi.
Novatorlik. Bank mijozlarining talablariga to’liq javob berish uchun o’tgan davr tajribasi va bugungi kunning innovatsion echimlarini birlashtiradi.
1.3 Bank operatsiyalari.
O`zbekiston Respublikasi qonunchiligiga binoan bank O`zbekiston Respublikasi Markaziy banki tomonidan berilgan litsenziya ko`ra quyidagi bank operatsiyalarini amalga oshiradi:

• 
  To`lovlarni amalga oshirish;
  
• 
  Jismoniy va yuridik shaxslarning hisobvaraqlarini ochish va yuritish, hisobvaraqlar bo`yicha hisob-kitob qilish;
  
• 
  Chet el valyutalarini naqd pul va naqd bo`lmagan pul shakllarida yuridik hamda jismoniy shxaslardan sotib olish va ularga sotish;
  
• 
  Sarmoya aktivlarini boshqaruvchi sarmoya vositachisi va sarmoya maslahatchisi sifatida professional faoliyatni amalga oshirish;
  
• 
  O`zbekiston Respublikasidagi amalda qonunchilikka muvofiq boshqa operatsiyalarni amalga oshirish.