Maktabgacha yoshidagi bolalarni tabiat bilan tanishtirish

SAMARQAND DAVLAT UNIVERSITETI
MAKTABGACHA VA BOSHLANG`ICH TA’LIM FAKULTETI
MAKTABGACHA TA’LIM KAFEDRASI
2-kurs magistranti Abdullayeva Dildoraning
MAKTABGACHA YOSHIDAGI BOLALARNI TABIAT BILAN TANISHTIRISH fanidan




MAVZU: Rasmli to`plamlar yordamida tabiat bilan tanishtirish mashg`ulotini tashkil etish
(Meva va sabzavotlar haqidagi bilimini mustahkamlash. Katta guruh misolida).
Tekshirdi: Dots. Agzamov V
Bajardi: Abdullayeva D
Samarqand 2021


Mavzu: Rasmli to`plamlar yordamida tabiat bilan tanishtirish mashg`ulotini tashkil etish
(Meva va sabzavotlar haqidagi bilimini mustahkamlash. Katta guruh misolida).
Reja:

1. 
   Maktabgacha ta’lim tashkilotlarida bolalarini tabiat bilan tanishtirishga o‘rgatishning mazmuni
   
2. 
   Mashg’ulotlarda bolalarning tabiat haqidagi bilim, ko’nikma va odatlarni shakllantirish.
   
3. 
   Maktabgacha ta`lim yoshidagi bolalarni mevava va sabzavotlar bilan tanishtirishda didaktik o`yinlardan foydalanish.
   

1. 
   Maktabgacha ta’lim tashkilotlarida bolalarini tabiat bilan tanishtirishga o‘rgatishning mazmuni
   

Tabiatning inson hayotiga moddiy ishlab chiqarishdagi ahamiyati aniq va ravshandir. Tabiat va mehnat insonga kerak bo’lgan moddiy farovonlikning bosh manbalaridir. Inson is’temol qiladigan har qanday mahsulot, o’simliklar yoki hayvonlar ko’proq unumdorligi, foydali qazilmalar, havo va suv, quyosh radiatsiyasi yoki yer osti issiqliklari evaziga hosil qilinadi.
Respublikaning kelajakdagi taraqqiyotini zamonaviy bilimlarga ega, irodasi mustahkam, teran fikirlaydigan, yuksak ma’naviyatli kadrlar hal etadi.
Mistaqil O’zbekiston Respublikasida huquqiy va demokratik jamiyat qurish jarayoni muvaffaqiyatli amalga oshirilayotgan bir vaqtda, ma’naviy jihatdan barkamol avlodni tarbiyalab, voyaga etkazish hamda vatanni, tabiatni, rang – barang olamni sevishga, moddiy – ma’naviy boyliklarni asrab avaylashga, atrof – muhit tozaligini ta’minlashga o’rgatish muhim ahamiyat kasb etadi.
Tabiatni asrab avaylash – tabiat va uning boyliklaridan oqilona foydalanishga, tabiatni inson manfaatlarini ko’zlab ongli ravishda o’zgartirishga, tabiat boyliklari va umuman atrof-muhitni, uning go’zalligi, musaffoligini saqlab qolishga va yanada boyitishga qaratilgan barcha tadbirlar majmuasi. Atrof-muhitni muhofaza qilish tabdirlari majmuasiga davlatlar, xalqaro tashkilotlar, jamoat, ilmiy texnik, ishlab chiqarish, iqtisodiy va ma’muriy tashkilotlar, har bir odam tomonidan amalga oshiriladigan tadbirlar kiradi.
Maktabgacha yoshdagi bolalarni atrof-muhitni muhofaza qilishga o’rgatish jarayonida xilma-xil metodlar: ko’rgazmali (kuzatish, rasmlarni ko’rish, diafil, kinofilm va kompyuterlarni namoyish qilish), amaliy (o’yin metodi, mehnat, oddiy tajribalar) va og’zaki (tarbiyachining hikoyasi, badiiy asarlarni o’qish) suhbatdan foydalaniladi. Bolalarni atrof-muhitni muhofaza qilishga o’rgatish jarayonida xilma-xil metodlardan foydalanishning sababi bolalarning yoshi, psixologiyasi, tabiat bilan turli darajada tanish bo’lganligidandir. Bundan tashqari tabiat bilan tanishtiriladigan obyektlarning mazmuni, hajmi, xususiyati va maktabgacha tarbiya yoshidagi bolalarning bilish qobiliyatlari ham hisobga olinadi.