Maktabgacha yoshdagi bolalarning rivojlanishi va maktabga tayyorlash dasturi

6 BOB.Davlat talablarini ko‘llash tartibi

20. Davlat talablari quyidagilarni ishlab chiqishda inobatga olinishi zarur:

• 
  maktabgacha ta’lim va tarbiya umumiy o‘quv dasturlari;
  
• 
  maktabgacha ta’lim muassasalari uchun o‘quv didaktik vositalar va metodik tavsiyalar;
  
• 
  maktabgacha ta’lim muassasalari va pedagoglar faoliyati davlat attestatsiyasi talablari;
  
• 
  alohida ehtiyojga ega bolalar uchun umumiy o‘quv dasturlari (psixik va jismoniy rivojlanishida nuqsoni bo‘lgan);
  
• 
  qo‘shimcha ta’lim dasturlari (to‘garaklar, markazlar);
  
• 
  pedagogik kadrlar malaka oshirish kurslarining dasturlari;
  
• 
  bolalar uchun tovarlar;
  
• 
  bolalar industriyasi bilan mashg‘ul barcha tashkilot, muassasa va korxonalar uchun.
  

21. Bolalar ta’lim va tarbiyasida ishtirok etuvchi ota onalar va kattalar bolalarning ma’lum bir yosh davridagi rivojlanish darajasini aniq tasavvur qilib, ta’lim va rivojlanish jarayonini samarali rejalashtirishlari va tadbiq etishlari maqsadida Davlat talablarini qo‘llaydilar.

22. Oilalar bolalar hayotida tayanch bo‘lib, ularning birinchi va eng muhim tarbiyachilaridir. Oilalarni Davlat talablarini tadbiq etilish jarayoniga jalb etish majburiy bo‘lishi kerak. Davlat talablari oilalarni qo‘llab quvvatlashi lozim, chunki oilalar bola bilan ishlayotgan birinchi institutdir.

23. Davlat talablari ilk va maktabgacha yosh davridagi bolalar va oilalarga maslahat xizmati ko‘rsatuvchi mutaxassislarga yordam ko‘rsatish uchun qo‘llanilishi lozim. Davlat talablari maqsadli va donolik bilan qo‘llanilishi lozim.

24.Maktabgacha ta’lim vazirligi Davlat talablarini tadbiq etilishi, yo‘naltirilishi va uslubiy rahbarligini amalga oshiradi.

25. Davlat talablari kamida 5 yilda bir marotaba qayta ko‘rilishi va yangilanishi mumkin.

26. Davlat talablarini qo‘llash va ulardan optimal foydalanish uchun texnik rag‘bat va etarli zaxiralar bilan ta’minlanishi lozim.

27. Davlat talablari dogma emas, bolalar rivojlanishi haqidagi yagona manbaa emas va oldindan belgilab qo‘yilgan xulqlar ro‘yxati sifatida qabul kilinmasligi kerak.

28. Davlat talablari bolani baholash instrumenti emas.

29. Davlat talablari bolani, uning oilasini yoki mutaxassislarni tanqid qilish, chetlatish yoki uzoqlashtirish uchun qo‘llanilmaydi.