Maktabgacha yoshdagi bolalar jismoniy tarbiya nazariyasi va metodikasi

Asosiy harakat turlari
1. 
Bir chiziq ustiga 4 ta kegli oralatib qo‘yiladi. Kopto‘k 
yumalatib ular orasidan olib o‘tiladi. Shu mashqning o‘zini shu 
tarzda kolonada turib, oqim tarzida bajarish (2–3 marta).
2. 
Koptokni ikki qo‘llab boshdan oshirib, uzoqqa irg‘itish va 
uning orqasidan yugurish. Ikki guruh bo‘lib galma-gal bajarish 
(3–4 marta);
3. 
“Irg‘it-tut” harakatli o‘yini.
III 
qism. “Kim ketdi top” tinch o‘yinini tarbiyachi rahbar- 
ligida o‘tkazish.
Boshqa yosh guruhlarida bo‘lgani singari, o‘rta guruhda 
ham bir mashg‘ulot mazmunini butun hafta davomida, ikki 
mashg‘ulot davomida takrorlash tavsiya etiladi. Agar bola- 
lar o‘quv materialini yaxshi o‘zlashtira olmasalar, mana shu 
asosiy harakatlarning o‘zini o‘rganishni keyingi haftadagi 
mashg‘ulotlarda ham davom ettirish mumkin. Bunday hollarda 
mashg‘ulot rejasiga boshqa umumrivojlantiruvchi mashqlar 
bilan yangi harakatli o‘yin kiritiladi, bolalarni uyushtirish 
usullari o‘zgartiriladi. Bunday tadbirlar mashg‘ulotning 
umumiy emotsional holatini saqlab qolishga yordam beradi. 
Bitta asosiy harakatni to‘rttadan ortiq mashg‘ulotda takrorlash 
mumkin emas. Chunki bundan bolalar zerikib qoladilar va unga 
bo‘lgan qiziqishlari so‘nadi. Yaxshisi bu harakatni takrorlashga 
oradan birmuncha muddat vaqt o‘tgach qaytgani ma’qul.