O’ZBEKISTON RESPUBLIKASI
OLIY VA O’RTA MAXSUS TA’LIM VAZIRLIGI
Samarqand davlat universiteti
ONA TILI O`QITISH METODIKASI FANIDAN
fanidan talabalar mustaqil ishini tashkil etish,
nazorat qilish va baholash
Samarqand - 2020
I. MUSTAQIL IShNING MAQSAD VA VAZIFALARI
Ona tili o`qitish metodikasi bo`yicha talaba mustaqil ishining asosiy maqsadi – professor-o`qituvchi rahbarligi va nazorati ostida talabada muayyan o`quv-tarbiyaviy ishlarni mustaqil ravishda bajarish uchun zarur bo`lgan bilim va ko`nikmalarni shakllantirish, rivojlantirish hamda ularni auditoriya mashg`ulotlarida berilgan nazariy va amaliy bilimlardan amalda foydalanishga o`rgatishdir.
Ona tili o`qitish metodikasidan talaba mustaqil ishining vazifalari quyidagilardan iborat:
dars paytida o`tilgan mavzular bo`yicha bilimlarni qayta ishlash va mustahkamlash;
tushunish va fikrlash qobiliyatini rivojlantirish;
yangi bilimlarni mustaqil tarzda puxta o`zlashtirish ko`nikmalariga ega bo`lish;
kerakli ma’lumotlarni izlab topishning qulay usullari, vositalarini aniqlash;
axborot manbalari va vositalaridan samarali foydalanish;
an’anaviy o`quv va ilmiy adabiyotlar, me’yoriy hujjatlar bilan ishlash;
elektron o`quv adabiyotlar va ma’lumotlar banki bilan ishlash;
internet tarmog`idan maqsabli foydalanish;
berilgan topshiriqning ratsional yechimini belgilash;
ma’lumotlar bazasini tahlil etish;
ish natijalarini ekspertizaga tayyorlash va ekspert xulosasi asosida qayta ishlash;
topshiriqlarni bajarishga tizimli va ijodiy yondashish;
ishlab chiqilgan echim, loyiha yoki g`oyani asoslash.
II. Mustaqil ishning tashkiliy shakllari
Mustaqil ishni tashkil etishda quyidagi shakllardan foydalaniladi:
ayrim nazariy mavzular bo`yicha o`quv adabiyotlari yordamida mustaqil ravishda ma’ruzamatni yoki konspekt tayyorlash va o’zlashtirish;
berilgan mavzu bo`yicha referat tayyorlash;
seminar va amaliy mashg`ulotlarga tayyorgarlik ko`rish;
labaratoriya ishlarini bajarishga tayyorgarlik ko`rish;
ma’lum mavzu bo`yicha ko`rgazmali qurolar tayyorlash;
hisob – grafik ishlarini bajarish;
kurs loyihasini bajarish;
malakaviy bitiruv ishi va magistrlik dissertasiyasini tayyorlash;
nazariy bilimlarni amaliyotda qo`llash, nostandart amaliy topshiriqlarni bajarish;
amaliyotdagi mavjud muammolarning yechimini topish;
maket, model, badiiy asar, musiqa va h.k. namunalar yaratish;
ilmiy maqola, anjumanga ma’ruza, tezislarini tayyorlash;
ilmiy maqola, monografiya va h.k. larga taqriz yozish.
Do'stlaringiz bilan baham: |