Maktabgacha ta’limga qo‘yiladigan davlat talablari

2-§. Atrof muhitni o‘rganish va anglash 

69. 6 oylikkacha bo‘lgan bolalarning atrofni kuzatishi, jonli va jonsiz tabiatga munosabat bildirishi, 

inson  tana  a’zolarini  o‘rganishi  (bosh,  qo‘l,  oyoq)  ularda  atrof  muhitni  o‘rganish  va  anglash  talablari 

hisoblanadi. 

70.  Quyidagilar  6  oylikkacha  bo‘lgan  bolalarda  atrof  muhitni  o‘rganish  va  anglash  indikatorlari 

hisoblanadi: 

o‘z atrofida mavjud bo‘lgan yoki rasmlarda chizilgan yorqin o‘simliklar, gullar va hayvonlarni kuzatish 

hamda ularga nisbatan qiziqish bildirish; 

o‘z qo‘llarini o‘rganish, ularga qarash va og‘ziga tortish, bir qo‘li bilan ikkinchi qo‘lini ushlab, silab 

ko‘rish. 

71. 6 oylikkacha bo‘lgan bolalar bilan quyidagi mashqlarni bajarib turish lozim: 

turli o‘simliklar va hayvonlarni ko‘proq ko‘rsatish; 

bolaning  e’tiborini  jalb  qilish,  turli  o‘simlik,  hayvonlarga  qo‘lini  tekkizish,  ularga  xos  ovozlarni 

chiqarish yo‘li bilan ularni tanishtirish; 

barmoqlar, kaftlar bilan o‘ynaydigan o‘yinlardan ko‘proq foydalanish. 

72. Bola o‘yinchoqlarni yutib yubormasligi, burni yoki qulog‘iga kirgizib yubormasligi uchun ularning 

diametri 4,5-5 sm dan kichik bo‘lmasligi, shuningdek ularga gigiyenik ishlov berilishi kerak. 

3-§. Ijod 

73. Quyidagilar 6 oylikkacha bo‘lgan bolalarda ijod talablari hisoblanadi: 

turli tovush va ovozlarni ajratish qobiliyatiga ega bo‘lish; 

musiqaga qiziqish bildirish, musiqiy faollik ko‘rsatish; 

ko‘rgazmali faoliyatda ishtirok etishga qiziqishni namoyish etish. 

74. Quyidagilar 6 oylikkacha bo‘lgan bolalarda ijod indikatorlari hisoblanadi: 

boshini tovush yoki ovoz kelayotgan tomonga burish; 

musiqiy tovushlarga qiziqish bildirish; 

musiqa ta’sirida gavdasi yoki tana a’zolarini harakatlantirish; 

---

fotosurat yoki turli rasmlarga diqqatini qaratish. 

75. 6 oylikkacha bo‘lgan bolalar bilan quyidagi shakllarda mashqlar olib borish lozim: 

bola  bilan  o‘ynaganda  ovoz  chiqaradigan  o‘yinchoqlardan  foydalanish  yoki  biror-bir  hayvonga 

o‘xshash tovush chiqarish; 

bolani o‘z e’tiborini ovoz (tovush) manbasiga jamlashga jalb qilish; 

o‘yin vaqtida musiqiy o‘yinchoqlardan foydalanish; 

bolaning e’tiborini yorqin rasmlar, plakatlarga qaratish; 

bolaning turli-tumanlikni yoqtirishini hisobga olib, rasmlarni tez-tez almashtirib turish. 

76.  Bolalarga  ko‘p  narsaning  taqiqlanishi  asab  tizimining  izdan  chiqishiga  olib  kelishi  mumkin 

bo‘lganligi sababli, hayot uchun xavfli bo‘lgan narsalarnigina taqiqlash lozim.