Maktabgacha ta'lim

Ta’limiy maqsad: Tabiat xaodisalari va ularni mexnatdagi axamiyati xaqidagi qiziqishlarini oshirish sayoxat va o‘yinlar orqali bilimlarini mustaxkamlash.
Tarbiyaviy maqsad: Bolalarga suhbatda faol ishtirok etish , tinglash, o‘rtoqlari javobini bo‘lmaslik, bir-biriga o‘zaro hurmatni tarbiyalash.
Rivojlantiruvchi maqsad:.
Davlat talabi: Katta guruhda lozim bo‘lgan bilim va ko‘nikmalarni bolalarga singdirish. Bola nutqni tinglaydi va anglaydi, so‘zlashadi va muloqat qiladi.
Faoliyat uchun keraklik jihozlar Baxor fasliga oid rasmlar, tabiat xodisalari aks ettirilgan rasmlar, tabiat mo‘jizalari xaqidagi video roliklar, rag‘bat tasmalar, slayd, sambufer, chip, fleshka,


Faoliyatning borishi:Tashkiliy daqiqa.
Bolalar, bugun barchangizni ko‘rib turganimdan juda hursandman Kelinglar endi mehmonlarimiz bilan salomlashib olaylik.
Salom quyosh,salom tong.
Salom zamin va Bahor.
Salom ustoz, murabbiya
Salom mening do‘stlarim
Mana to‘plandik shu on.
Xayrli on va kunda
Sizni ko‘rishdan hursand
Biz bahtiyor avlodlar.
O‘ng qo‘limiz ta’zimda
Deymiz sizga Assalom!
Bolalar, bugun ertalab guruhimizning eshigi oldidan manabu maktubni topib oldim. Uni ichida nima deganini bilmadim. Men bu maktubni sizlar bilan birgalikda ochmoqchi bo‘lib sizlarning kelishlaringizni kutdim. Bu maktub kimdan bo‘lishi mumkin bolajonlar? (Bolalar javoblari). Kelinglar bo‘lmasam maktubni ochib o‘qib ko‘ramiz.
“Bir bor ekan, bir yo‘q ekan bir zamonda : Qish, Bahor, YOz, Kuz nomli yil fasllari bo‘lgan ekan. Ular judayam bir-birlariga do‘st bo‘lib yashar ekanlar. Ular birga yashab, o‘z navbatlarida 3 oy Qish, 3 oy Bahor, 3 oy YOz, 3 oy Kuz bo‘lishib butun dunyoni boshqarishar ekanlar. Ammo bir kuni Qish asosiy yil fasli faqat men bo‘laman deb Bahorga o‘z o‘rnini bermaslikka qaror qilibdi. Undan qor ostidagi o‘t-o‘lanlar er yuziga o‘sib chiqolmay xafa bo‘lishibdi. Daraxtlar kurtak yoza olisholmabdi. Issiq o‘lkalardan sovuqqa chidamsiz bo‘lgan qushlar uchib kelib bosh-panasiz qolishibdi. Hayvonlar esa qishki kiyimlarini echolmay rosa qiynalishibdi. YOz va Kuz bundan tashvishlanibdilar. SHunda Bahor ularga xafa bo‘lmaslikni, u bolalar bog‘chasiga maktub yozib berib yuborishlikni va albatta bog‘cha bolalari ularga Qishni engishlarida yordam berishlarini, faqat buning uchun bolalar..............”
Ie, bolajonlar, bu yog‘ida hech narsa yozilmagan, varag‘i yirtilib ketibdi. Sizlar nima deb o‘ylaysizlar biz Bahorga olgan bilimlarimiz bilan yordam beramizmi?
(Ha, unga yordam beramiz. Biz ko‘p narsani bilamiz.)
Bolalar qaranglar, tomchilar osilib turibdi, Bahor sizlarga topishmoq aytmoqchi uni topamizmi?
(Ha)
Bizga Bahor yordamga bulut tomchilarini jo‘natibdi. Qani ulardan birini olib o‘qib ko‘raylikchi.(№1-tomchi)
(Tarbiyachi oldindan tayyorlab qo‘yilgan bulutli yomg‘ir tomchilarining birini oladi va orqasida yozilgan topishmoqni o‘qiydi).
Tashrif qildi hovlimizga
SHamollar va yomg‘irlar.
Daraxtlar kurtak yozib
Hatto keldi qushlar ham
Bahorga berdi zo‘r start.
Bu oyning nomi bil..........(Mart)
Bolajonlar bog‘cha hovlimizga kirib kelgan bahor shamoli tabiatimizning barcha hodisalarini o‘zgartirib yubordi. Kelinglar uni o‘z o‘rniga qo‘yib Bahorga yordam berib “Bo‘ladi-bo‘lmaydi” o‘yinini o‘ynaymiz. Men sizlarga so‘zlar aytaman sizlar esa to‘g‘ri bo‘lsa “bo‘ladi” deysizlar agar noto‘g‘ri bo‘lsa “bo‘lmaydi” deb aytasizlar.
“Bo‘ladi-bo‘lmaydi” nomli so‘z o‘yini.
-Bahorda quyosh yorqin nur sochadi.......
-Bahorda daraxtlar sariq barglarini to‘kadilar.......
-Bahorda qorlar eriydi.......
-Bahorda o‘rmonlarda qo‘ziqorin teriladi.......
-Bahorda odamlar issiq kiyimlarini echadilar va engilroq kiyimlarini kiyadilar.......
-Bahorda hosil teradilar......
-Bahorda yomg‘ir yog‘adi......
-Bahorda bolalar Qor odam yasaydilar.....
-Bahorda ilk gullar paydo bo‘ladi......
-Bahorda qushlar issiq o‘lkalarga uchib ketadilar.....
Barakalla bolajonlar. Hammalaring do‘stona javob berib topshiriqni a’lo darajada bajardilaring. Bolajonlar qaranglar yana bitta yomg‘ir tomchisi meni ol deb iltijo qilyapti olamizmi?(№2-tomchi).
(Ha)
(Tarbiyachi oldindan tayyorlab qo‘yilgan bulutli yomg‘ir tomchilarining birini oladi va orqasida yozilgan savolni o‘qiydi.)
Qish juda uzoq bo‘ldi,
Mana, Bahor ham keldi.
Bayramlarni o‘tkazdik
Zo‘r she’rlarni yodladik.
Menda bordir bir savol
SHe’rlar yodingizdami?
Qani bir eslab ko‘ring.
Ha! (Bolalar Bahor, mavsumiy o‘zgarishlar haqida she’rlar aytib beradilar)
Juda ham chiroyli she’rlar ekan. Men o‘ylaymanki bu she’rlaringiz Bahorga ham yoqadi. Bolalar sizlar Bahorni yaxshi ko‘rasizlarmi? Menga Bahorni yaxshi ko‘rishlaringni ko‘rsatib beringlarchi.