«maktabgacha ta’lim muassasalarida musiqiy-estetik ta’lim nazariyasi va metodikasii» fani bakalavriat 5111100- musiqa ta`limi yo`nalishi

Olti va yetti yoshli bolalar - bu davrda bolalar maktabga tayyorgarlik ko`ra boshlaydilar. Musiqa mashg‘ulotlarida olingan bilim va taassurotlariga asoslanib bolalar musiqiy asarlarga sharh berishlari, musiqaning ifoda vositalarini aniqlashlari, musiqiy kayfiyat belgilarini ajrata olishlari mumkin.
Bu davrda bolalar rivojlana boradilar va bir necha rivojlanish bosqichlaridan o`tadilar:
- emotsional rivojlanish - oddiy musiqiy tovushlarga keskin yoki yorqin emotsional reaksiya berish;
- hissiyot, idrok va eshitishning rivojlanishi - musiqiy tovushlarni alohida idrok etishdan, butun, ongli va faol idrok etish, tovushning xususiyatlari, balandligi, tembri, dinamikasi, ritmini idrok etish;
- munosabatlar bildirish jarayoni - beqaror qiziqishlardan barqaror qiziqishlarga, ehtiyojlarga o`tish, musiqiy didning ilk qirralarining paydo bo`lishi;
- ijrochilik faoliyati - ko`rib bajariluvchi faoliyatlar, musiqiy ritmik hamda kuylash faoliyatida taqlidchanlik.


Tayanch tushunchalar:
«Metodika» so`zi grekcha so`z bo`lib, «tadqiqot yo`li», «bilish usuli» degan ma’noni anglatadi va ta’lim-tarbiyaning alohida qismlari bo`lib hisoblanadi, ularning yig`indisi musiqa o`quv metodlari deyiladi
«Xususiy metodika» - bitta fanning uslubi
«Musiqiy ta’lim» bu o`quvchi, talabalarning musiqiy tomonlama tayyorgarligini va rivojlanishini ta’minlovchi musiqa fanlar asoslarini egallab olishdir.
«Tarbiya metodikasi» har bir insonning hayotda yashashi jarayonida ortirgan saboqlari va intellektual salohiyatlarining ijobiy ko`nikmasini o`zgalarga berish jarayoni
«Tarbiya» – har bir insonning hayotda yashashi jarayonida ortirgan saboqlari va intellektual salohiyatlarining ijobiy ko`nikmasini o`zgalarga berish jarayoni.
«Tarbiyalanganlik» – milliy urf - odatimiz mezoniga kirmagan, o`zgalarning nafratini qo`zg`atadigan hatti - harakatlardan o`zini tiya bilish.
«Musiqiy tarbiyaviy jarayon» - musiqa ta’lim maqsadlarini amalga oshirish uchun pedagog va tabiyalanuvchilarning maxsus tashkil etilgan faoliyati
«Qobiliyat» - ma’lum bir turdagi faoliyatni muvaffaqiyatli amalga oshirishning sub’ektiv sharti bo`lib hisoblanuvchi shaxsning individual xususiyatidir


Mavzuni mustahkamlash uchun savollar:
1.«Metodika» - so`zi nimani anglatadi va uning vazifalari nimadan iborat?
2.Hozirgi kunda maktabgacha ta’lim muassasalarda musiqa mashg’ulotlarning
maqsadi va vazifalari nimadan iborat?
3. Maktabgacha ta’lim muassasalarida musiqa o`qitish mеtоdikasi fanining qanday
maqsad va vazifalari mavjud?
4. Maktabgacha ta’lim muassasalari tarbiyalanuvchilarining yosh psixologik
xususiyatlari nimadan iborat?
5. Musiqa qobiliyatini rivojlantirishning shart-sharoitlari haqida ma’lumot bering
6.Musiqa san’atining ahamiyati haqida ma’lumot bering