Мактабгача таълим муассасалари учун жамоа шартномаси макети

152. Muassasa uchun kerakli bo‘lgan kadrlarni tayyorlab borish maqsadida oliy o‘quv yurtlari talabalari kontrakt pulining bir qismini to‘lab beriladi.
153. Yosh oila a’zolari bo‘lgan xodimlarga mamlakatimizda ishlab chiqarilgan uzoq muddat foydalaniladigan tovarlar xarid qilish va uy-joy qurilishi, shuningdek safarbarlik chaqiruvi zaxirasida xizmat o‘tashga haq to‘lash uchun yosh xodimlarga foizsiz ssudalar berish.
154. Kasaba uyushma qo‘mitasi majburiyatlari:
a) yosh xodimlarning ijtimoiy huquqlari va kafolatlarini himoya qilish ishlarini yanada mukammallashtirish uchun mavjud huquqiy-normativ bazadan foydalanish;
b) yosh yigit-qizlarni kasaba uyushmalari faoliyatiga jalb etish ishlarini olib borish, jamoat ishida faollik ko‘rsatgan yoshlarni tizimli ravishda ma’naviy (faxriy yorliq, tashakkurnoma, ular to‘g‘risida gazetalarda rag‘batlantiruvchi maqolalar chop etish) va moddiy rag‘batlantirish;
155. O‘zbekiston Respublikasi Mehnat kodeksining 84-moddasiga asosan o‘rta maxsus, kasb-hunar ta’limi muassasalarining hamda oliy o‘quv yurtlarining tegishli ta’lim muassasasini tamomlagan kundan e’tiboran uch yil ichida birinchi bor ishga kirayotgan bitiruvchilari ishga qabul qilinganda dastlabki sinov belgilanmasligini ta’minlash.
156. O‘zbekiston Respublikasi Mehnat kodeksining 2471-moddasiga asosan «O‘rta maxsus, kasb-hunar ta’limi muassasalarining, shuningdek davlat grantlari bo‘yicha ta’lim olgan oliy o‘quv yurtlarining tegishli ta’lim muassasasini tamomlagan kundan e’tiboran uch yil ichida birinchi bor ishga kirgan bitiruvchilari bilan mehnat shartnomasi u tuzilgan kundan e’tiboran uch yillik muddat o‘tguniga qadar ish beruvchining tashabbusiga ko‘ra bekor qilinganida ish beruvchi bu haqda mahalliy mehnat organini xabardor qilishi shart»ligi ustidan jamoatchilik nazoratini olib borish.
157. Kasaba uyushmasi yangi ishga qabul qilingan yoshlarning ish joylarida qo‘nimliligini ta’minlash bo‘yicha monitoring olib boradi.
XIII. MEHNAT NIZOLARINI HAL ETISH


158. Kelishuvchi tomonlar, ijtimoiy sherikchilik prinsiplarini tan olgan holda, jamoa shartnomasini bajarilishida yuzaga kelgan har qanday nizolarni oldini olish choralarini ko‘rishni o‘z zimmasiga oladilar. bahslashuvlar o‘zaro ishonch va hurmat bilan, o‘zbekiston respublikasi qonun hujjatlari asosida hal etiladi.
159. Yakka tartibdagi mehnat nizolari va ziddiyatlar 6 a’zolardan tashkil topgan (har tarafdan 3 dan) ish beruvchi va kasaba uyushma qo‘mitasi tomonidan tenglik asosida mazkur shartnomaning amal qilish muddatiga tuziladigan mehnat nizolari komissiyasi tomonidan ko‘rib chiqiladi.
160. Mehnat nizolari komissiyasi o‘z faoliyatini qonun hujjatlariga va o‘zbekiston kasaba uyushmalari federatsiyasi kengashi, O‘zbekiston Respublikasi savdo-sanoat palatasi tomonidan tasdiqlangan (12.01.2015 y., 20-66 s, 15.01.2015 y., 01-sp), bandlik va mehnat munosabatlari vazirligi bilan kelishilgan tavsiyalarga asosan ishlab chiqilgan nizomga muvofiq olib boradi binoan olib boradi (8-ilova).
161. Jamoalarga doir mehnat nizolari O‘zbekiston Respublikasi qonun hujjatlarida belgilangan tartibda hal etiladi.