Мактабгача таълим муассасалари учун жамоа шартномаси макети

XII. YOSHLAR UCHUN QO‘SHIMCHA IMTIYOZLAR
VA KAFOLATLAR


147. Muassasaning ishida va rivojlanishida yosh mutaxassislar ishtiroki samarasini yanada oshirish hamda yoshlarni ijtimoiy himoya masalasi yechimini topish maqsadida tomonlar quyidagilarga kelishib oldilar:
- Xalqaro mehnat tashkilotining 138, 182-sonli Konvensiyalariga binoan ishga qabul qilish uchun eng kichik yoshga rioya etish hamda bolalar mehnatining og‘ir shakllarini taqiqlash yuzasidan aniq maqsadga yo‘naltirilgan ish olib borish;
- yoshlarga oid davlat siyosatini amalga oshirishga qaratilgan qo‘shimcha chora-tadbirlar Dasturi ijrosini ta’minlashda faol ishtirok etish;
- yosh mutaxassislar kengashini tuzish, yosh ishchilar va mutaxassislar o‘rtasida kasb mahorati bo‘yicha tanlovlar o‘tkazish;
-muassasaning o‘zida, zarur hollarda esa ta’lim muassasalari va o‘quv kurslarida yosh xodimlar uchun kasbiy tayyorgarlik, boshqa kasbga o‘rgatish, malaka oshirish ishlarini olib borish;
- Muassasaning o‘zida, zarur hollarda esa ta’lim muassasalari va o‘quv kurslarida yosh xodimlar uchun kasbiy tayyorgarlik, boshqa kasbga o‘rgatish, malaka oshirish ishlarini olib borish.
148. Qonun hujjatlariga binoan va mazkur Shartnoma maqsadlarida:
a) 30 yoshdan oshmagan xodimlar yoshlar deb hisoblanadilar;
b) oliy yoki o‘rta maxsus, kasb-hunar ta’limi muassasasini bitirgan, ta’lim muassasasini bitirganidan so‘ng olgan ixtisosligi bo‘yicha 3 yil ichida ishga kirgan va ma’lumoti to‘g‘risidagi hujjatda ko‘rsatilgan ixtisosligi bo‘yicha ishlayotganiga 3 yildan ko‘p bo‘lmagan 30 yoshdan oshmagan xodimlar yosh mutaxassislar deb hisoblanadilar;
v) er-xotinning ikkisi ham 30 yoshdan oshmagan oila yoxud farzand (bola) tarbiyalab voyaga yetkazayotgan 30 yoshdan oshmagan yolg‘iz otadan yoki yolg‘iz onadan iborat bo‘lgan oila, shu jumladan nikohdan ajralgan, beva erkak (beva ayol) yosh oila deb hisoblanadi,
149. Taraflar Mehnat kodeksida ko‘zda tutilgan quyidagi kafolatlarga rioya etilishini hamda imtiyozlar berilishini ta’minlash majburiyatini o‘z zimmalariga oladilar:
a) 18 yoshga to‘lmagan xodimlar uchun (135, 143, 144, 202, 203, 214, 239, 240, 241, 242, 243, 244, 245, 246, 2471-moddalar);
b) ishlab chiqarishdan ajralmagan holda o‘qiyotgan xodimlar uchun (103, 143, 144, 249, 250, 254, 255, 256, 257, 258-moddalar);
v) ta’lim muassasalarini bitirgan xodimlar uchun (68, 103-moddalar).
150. Ish beruvchi majburiyatlari:
a) o‘n sakkiz yoshga to‘lmagan shaxslarga mehnatni muhofaza qilish, ish vaqti, ta’tillar va boshqa mehnat shartlari sohasida ko‘shimcha imtiyozlar berish, ularni Muassasaning sanatoriy-profilaktoriysida sog‘lomlashtirish;
b) o‘rta maxsus kasb-hunar ta’limi muassasalarida yosh mutaxassislarni tayyorlash borasida aniq maqsadga yo‘naltirilgan ish olib borish;
v) kollej va oliy o‘quv yurtlarini tugatib, Muassasada birinchi yil (ikki, uch yilgacha) mehnat qilayotgan yosh mutaxassislarga O‘zbekiston Respublikasida o‘rnatilgan eng kam ish haqining 2 barobari miqdorida qo‘shimcha haq to‘lash;
g) ishga kelgan yosh mutaxassislarga O‘zbekiston Respublikasida o‘rnatilgan eng kam ish haqining 2 barobari miqdorida bir martalik to‘lov berish;
d) tashkilotda “Eng faol yosh xodim” stendini tashkil etish;
151. Ta’lim muassasalarida ishlab chiqarishdan ajralmagan holda o‘qib, o‘quv rejasini bajarayotgan xodimlarga O‘zbekiston Respublikasi Mehnat kodeksida belgilanganiga qo‘shimcha imtiyozlar beriladi.