Мактабгача таълим муассасалари учун жамоа шартномаси макети

XV. JAMOA SHARTNOMASI BAJARILISHINI NAZORAT QILISH


173. Taraflar tenglik asosida, mazkur Shartnoma bajarilishini tekshirib boruvchi komissiya tuzishni o‘z zimmalariga oladilar.
174. Tomonlar yilda 1 marotaba mazkur Shartnoma bajarilishi yuzasidan tekshiruv o‘tkazish va tekshiruv natijalarini mehnat jamoasining umumiy yig‘ilishi (konferensiyasi)da muhokama qilishni o‘z zimmalariga oladilar.
175. Taraflar Bosh, tarmoq kelishuvlarini tan olib ularni bajarish majburiyatini o‘z zimmalariga oladilar. Basharti yuqorida nomlari keltirilgan kelishuvlarga o‘zgartirishlar kiritilsa, Ish beruvchi va Kasaba uyushma qo‘mitasi bir yil muddat ichida mazkur Shartnomaga tegishli o‘zgarish, qo‘shimchalar kiritish bo‘yicha muzokaralar olib borishni o‘z zimmalariga oladilar.
176. Taraflar shuni e’tirof etadilarki, ularning mazkur Shartnomada aks ettirilgan manfaatlari ular tomonidan jamoa shartnomasining barcha shartlari va majburiyatlari so‘zsiz bajarilgan taqdirdagina ro‘yobga chiqishi mumkin. Kasaba uyushma qo‘mitasi, jamoa shartnomasi loyihasini ma’qullash yuzasidan chaqiriladigan mehnat jamoasining umumiy yig‘ilishidan oldin uning loyihasini ekspertiza uchun yuqori turuvchi kasaba uyushma organiga yoki yuridik firmaga taqdim etadi.
177. Mazkur Shartnoma imzolangandan so‘ng, taraflar uni ro‘yxatdan o‘tkazish uchun yuqori turuvchi kasaba uyushma organi (vakillik)ga taqdim etadilar.
178. Jamoa shartnomasi imzolangandan so‘ng, tomonlar uni bajarilishi bo‘yicha tadbirlar rejasi, mas’ullar va muddatlarini belgilab oladilar.
179. Jamoa shartnomasining matni va ilovalari bilan xodimlar Muassasaning xodimlar muassasaida, mehnat muxofazasi, ish haqi va yuridik muassasalarida hamda Kasaba uyushma qo‘mitasida tanishishlari mumkin.
180. Shartnomaning amal qilish davrida yoki amal qilish muddatini uzaytirish davrida kiritilgan o‘zgarishlar va qo‘shimchalar, qo‘shimcha kelishuv ko‘rinishida bo‘lgan alohida hujjatlar bilan rasmiylashtirilib, mazkur Shartnomaning ajralmas qismi bo‘lib hisoblanadi.
181. Jamoa shartnomasining ilovalari uning ajralmas qismi bo‘lib hisoblanadi.