"Мактабгача таълим муассасалари лойихасига санитар гигиеник бахо бериш"

"Мактабгача таълим муассасалари лойихасига санитар гигиеник бахо бериш"

Мактабгача болалар муассасалари (МБМ) 1 ёшдан 7 ёшгача бўлган болалар учун ташкил этилади ва таьлим органлари тузилмасида бўлади. Мактабгача болалар муассасаларини лойиҳалаш ва қуриш қўйидаги гигиеник қоидаларни (СанПиН №0355-18) назарда тутган ҳолда амалга оширилади: 1) бинода ва участкада гуруҳли чеклаш (изоляция) 7 ёшгача бўлган болаларнинг юқумли касалликларга чалиниш эҳтимоли юқори бўлгани ва улар орасида иммун қатлами етарли бўлмагани туфайли ҳам шартдир. Гуруҳли чеклаш қоидаларига биноан, ҳар бир болалар гуруҳи бинода ва участкада хоналарнинг тўлиқ тўпламига эга бўлиши керак;

2) мактабгача ёшдаги болаларнинг ҳаракатланишга бўлган эҳтиёжини қондиришга имкон берадиган ҳаракат фаоллиги учун шарт-шароитларни яратиш; 3) терморегуляция жараёнлари мукаммал бўлмаган бир пайтда модда алмашинуви нисбатан юқорироқ бўлгани учун ҳам мақбул ҳаво иссиқлик режимини яратиш; 4) мактабгача ёшдаги болаларда кўриш анализаторининг шаклланиши тугамаганлиги, аммо бажариладиган кўриш ишлари етарлича кўп бўлганлиги учун ҳам рефракция бузилишларининг олдини олиш мақсадида етарли табиий ёруғлик ва инсоляция бўлишини таьминлаш керак. Қуёшнинг нурли қуввати, айниқса, ультрабинафша нурланиш организмнинг тўлақонли ўсиши ва ривожланишига таьсир кўрсатади; 5) оқилона овқатланишни ташкил этиш учун шароит яратиш.

Ер участкаси мактабгача муассасанинг ажралмас қисмидир. У болаларнинг уйинлари, машғулотлари ва дам олишлари учун мўлжалланган бўлиб, уларнинг соғлиги мустаҳкамланиши, нормал ўсишлари ва ривожланишларига ёрдамлашади. Умумий типдаги мактабгача муассасаларнинг участкалари қоидага кўра алоҳида ер худудида жойлашади. МТМ радиуси шаҳарда 300 м.ни ташкил этади.

Мактабгача болалар муассасалари биносининг сиғими.

Бино тури	Ўринлар сони	Гуруҳлардаги болалар сони
		ясли гуруҳ		мактабгача
		2-чи эрта ёшдаги	1-чи кичик	2-чи кичик	ўрта	катта
МТМ: 2 гуруҳ 4 гуруҳ 6 гуруҳ 8 гуруҳ 12 гуруҳ 14 гуруҳ	45 95 140 190 280 330	- - 20 20 40(20х2) 40(20х2)	20 20 20 20 40(20х2) 40(20х2)	- 25 25 50(25х2) 50(25х2) 75(25х3)	25 25 25 50(25х2) 75(25х3) 75(25х3)	- 25 50(25х2) 50(25х2) 75(25х3) 100(25х4)