Maktabgacha ta'lim Klasterlarida Maktabgacha ta'lim tashkilotlarida

O‘zini o‘zi rivojlantirish kompetensiyasi — doimiy ravishda o‘z-o‘zini jismoniy, ma’naviy, ruhiy, intellektual va kreativ rivojlantirish, kamolotga intilish, hayoti davomida mustaqil o‘qib-o‘rganish, va mustaqil qaror qabul qila olish ko‘nikmalarini egallaydi
Ijtimoiy faol fuqarolik kompetensiyasi — jamiyatda bo‘layotgan voqea, hodisa va jarayonlarga daxldorlikni his etish va ularda faol ishtirok etish, o‘zining fuqarolik burch va huquqlarini bilish, unga rioya qilish, va huquqiy madaniyatga ega bo‘lish layoqatlarini shakllantiradi
Faoliyat shiori: Beshikdan to qabrgacha ilm izla!
Faoliyat uchun kerakli jihozlar: Rasmli kartochkalar, AKT, Alifbo, tarqatma jihozlar.
Faoliyatning borishi:
Tarbiyachi umumiy takrorlashdan so’ng bolalarni yarim doira shaklida o’tirishga chorlaydi. O’rtadagi stol ustiga rasmli kartochkalarni palapartish qilib qo’yadi.
Tarbiyachi tarif aytadi:
Bahorda qir-u adirlar yuzini qoplaydigan gul?
Bolalardan biri: LOLA
To’g’ri, kelib lolaning rasmini toping. Tarbiyachi yana bir tarif aytadi: bizning tanamizga qon berishi mumkin bo’lgan sabzavot?
Bolalardan biri: LAVLAGI
To’g’ri, kelib lavlagining rasmini toping. Bolalardan biri kelib topib oladi va do’stlariga ko’rsatadi. Shu tariqa L harfi bilan boshlanadigan so’zlarni tarif bilan rasmlar orqali topiladi.
Tarbiyachi: Bolalar bugun sizlar bilan alifbomizning yana bir harfi bo’lgan “L l” harfi bilan tanishamiz. Qaranglar bu harfimiz qanday chiroyli, sarvqomat harfdir. Tarbiyachi bu harfning bosmasini ko’rsatadi. Bu harfimiz undosh harflar safiga kiradi. Harf hosil bo’lishi uchun tilimiz va durdek tishlarimiz qatnashadi. Qani barchamiz bu harfni aytib ko’raylikchi.
Bolalar talaffuz qilib ko’rishadi.

Bu harfimizning yozma shaklidir. Qarang yozma shakli qanday noz qilib turibdi- a?

Yozma shaklini bolalarga ko’rsatadi.
Kelinglar bu harfimizni havoda qo’limiz bilan chizamiz.
Bolalar chizadilar.
Endi huddi shu ishni ko’zimiz bilan bajaramiz. Bolalar harfni kozlari bilan havoda chizadilar.
Kelinglar L harfi ishtirok etgan so’zlarni topamiz:
LAVLAGI, LOLA, LIKOPCHA, LOY, LOTOREYA, LAMPOCHKA, LAK, LIM, LIMON, LAVH………..
Barakalla bolalar, aqlingizga tasanno. Endi L harfini so’z o’rtasida kelgan holatini topamiz:
OLIFTA OLMA OLIM OLCHA ALVON OLOV
BARAKALLA, OFARIN barchangizga. Qaranglar bu harf so’zning oxirida ham kelishi mumkin ekan:
OL LOL LAL HAYOL MATAL AMAL
Tarbiyachi mavzuni atroflicha tushuntirib beradi. Mavzuni mustahkamlash uchu bolalarga L harfi ishtirokida sher o’rgatadi.
LOLALAR LABLARIGA
QIZIL BO’YOQ SURIBDI,
LABIDAGI QIZIL BO’YOQ
YUZLARIGA URIBDI.
Tarbiyachi faoliyatda faol qatnashgan bolalarni rag’batlantiradi.