Maktabgacha muassasalar xodimlarini qayta tayyorlash va malakasini oshirish respublika

Barmoqlar mashqi

Asalari

Asalari qo’nib gulga,

Sharbat yig’ar tuguniga.

O’ng qo’lning ko’rsatkich barmog’i oldinga chiqarilgan va u doira shaklida aylantirib harakatlantiriladi, so’ngra xuddi shu harakat chap qo’lda bajariladi.

Grammatik mashq

1. Bolari hikoyada qanday tasvirlangan? (mehnatkash, mehnatsevar, dono).

2. Pashsha-chi? (Yalqov, dangasa, nodon).

“Ortiqchasini top” o’yini

Turli mehnat qurollari va bitta ortiqcha buyum tasvirlangan kartochkalar har bir bolaga beriladi. Bolalar tasvirdagi ortiqcha buyumni topadilar va nima uchun ortiqchaligini izohlab beradilar.

Hikoyani sahnalashtirish bilan mashg’ulotni yakunlash mumkin.

“Bolari va Pashsha” Abdulla Avloniy.

Bir pashsha qir tarafdan uchib kelmoqda ekan. Arini ko’rib: “Do’stim, qaerdan kelyapsan?”-dedi. Ari: Qirdan kelyapman. Bir oz bol yig’dim. Uy yasamoq uchun mum ham yig’dim, tayyorladim,-dedi. Pashsha “Oh, birodar! Bir boshing uchun muncha harakat qilasan. Nima bo’ladi, sen ham men kabi qiynalmay yashasang. Men insonlar hozirlagan dasturxondan har xil taomlarni eb-ichib umr o’tkazaman. Ba’zi vaqtlarda sen yasagan bolingdan ham to’ygunimcha eyman. Mana! Yashamoq -mana! Umr kechirmoq uchun olamda bundan yaxshi turmush bo’ladimi? Na menda bol hozirlamoq mashaqqati va na uya solmoq kulfati bor”, - dedi. Ari bu so’zlarga javoban dediki: “Oh, do’stim! Mashaqqatsiz taomda lazzat bormi?!” insonlar seni dasturxondan quvadilar, uradilar, o’ldiradilar. Sen olamda o’g’rilar kabi umr o’tkazasan. Ammo mening mashaqqatli mehnatim juda foydali va maroqli. Bolim esa insonlar uchun foydalidir, ularning og’zini totli qilur. Shu sababli insonlar meni boqadilar va har erda meni maqtaydilar”-dedi-da,-“Qo’y birodar, meni ishim ko’p, sen bilan behuda so’zlashishga vaqtim yo’q”,-deb uchib ketdi.