Maktabgacha muassasalar xodimlarini qayta tayyorlash va malakasini oshirish respublika

Barmoqlar mashqi

Tarbiyachi she’rni o’qib turadi. Bolalar harakatni bajaradilar.

Kaft va musht

Sen ham bajar

Hoy o’rtoq,

Goh mushtum

Goh shapaloq.

Qo’llar stol ustida: 1) kaftni stol ustiga bosiladi; 2) bir vaqtning o’zida ikkala qo’lda ham musht tugiladi "musht-musht holati"; 3) bir qo’lning mushti ochilib kaft stolga bosib turiladi "kaft-musht" holati Mashqning bajarilishini murakkablashtirish uchun harakatlar tezligi oshiriladi.
Tarbiyachi: Bolajonlar, endi birgalikda “Savol-javob” o’yinini o’ynaymiz. O’yin qoidasi:

Tarbiyachi savolni aytib bir bolaga koptokni otadi, bola koptokni ilib oladi va savolga javob berib koptokni tarbiyachiga otadi.

Savollar:

1. Ertakda tulki qanday tasvirlangan? (laqma).

2. Xo’roz haqida nima deyish mumkin? (epchil, dono, tadbirkor).

3. Dono so’ziga qarama-qarshi so’z toping (nodon, ahmoq).

4. Tulki qizdan achchiqlanibdi. Bu gapni yana qanday aytish mumkin? (jahli chiqibdi).

Savodga tayyorlash bo’yicha amaliy mashq

Tarbiyachi bolalarni uch guruhga bo’ladi. Birinchi guruhga “O” tovushi bilan boshlanadigan (oy, ot,olma, olcha, olxo’ri) suratlarni topish, ikkinchi guruhga “O” tovushi bilan tugallanadigan (mato, bobo, momo) suratlarni topish, uchinchi guruhga “O” tovushi so’z o’rtasida (kitob, nok, bodring, buzoq, tovuq) keladigan suratlarni topish aytiladi.

Tarbiyachi mashg’ulot yakunida barcha bolalarni shirin so’zlar bilan rag’batlantiradi.