Maktabgacha muassasalar xodimlarini qayta tayyorlash va malakasini oshirish respublika

Kutilayotgan natijalar:

Bolalarning bog’langan nutqi rivojlanadi.

Bolalarda shaxsiy gigiena qoidalariga rioya qilish malakasi hosil bo’ladi.

Kerakli jihozlar:

“Dasturxon odobi” surati

Mashg’ulotning borishi

Tarbiyachi bolalarga suratni ko’rsatadi. Dasturxon odobi deganda nimani tushunasiz?- deb so’raydi. (Bolalar javoblari)

Tarbiyachi: To’g’ri bolalar . Dasturxon odobi- dasturxon atrofida o’tira bilish degani. O’zbek xalq urf- odatiga ko’ra dasturxon atrofida o’tirishning ham o’ziga xos tartib- qoidalari bor. Bilasizmi? Kim aytadi?

( Bolalar javoblari )

Tarbiyachi: To’g’ri, bolalar, eng avvalo dasturxon atrofiga o’tirishdan oldin qo’limizni sovunlab yuvib olamiz.

O’tirishda eng to’rdagi o’ringa keksalar, ota – onalar, aka – opalar taklif qilinadi.

Ovqatlanayotganda shoshmasdan, oz- ozdan olish, odob bilan chaynash lozim.

Suyuq ovqatni to’kmasdan, sachratmasdan, xo’rillatmay ichish kerak .

- Sochiq va salfetkadan foydalanish, ovqatdan keyin og’izni chayish lozim.

Hozir bolalar siz bilan surat bo’yicha hikoya tuzamiz.

Surat bo’yicha tarbiyachining savollari:

Suratda kimlar tasvirlangan?

Ular nima qilishyapti?

Dasturxon qanday tuzalgan?

Siz dasturxon tuzashda ota-onangizga yordam berasizmi?

Bolalar dasturxon atrofida o’zlarini qanday tutdilar?

Ota o’g’liga qanday tanbeh berdi? Sababi nimada deb o’ylaysiz?

Bolalar suratga qarab hikoya tuzing. Avval oila a’zolari qaerda, qachon ovqatlanayotganini o’ylab toping. Keyin suratda nima tasvirlanganiga qarab hikoya o’ylab tuzing. Hikoyangiz yakunlangan bo’lishi kerak.

2-3 bolaning hikoyalari tinglanadi, rag’batlantiriladi.

Tarbiyachi suratni olib qo’yadi

“So’zni tugat” o’yini

Bu o’yinda tarbiyachi so’zning birinchi bo’g’inini aytib, koptokni bolaga otadi. Koptokni tutib olgan bola tugatilgan so’zning 2 ta variantini aytishi kerak. Masalan: tabiyachi “Ko” deb koptokni otsa, bola koptokni tutib “kosa”, “kosalar” deb koptokni qaytaradi.

O’yin fikrlash tezligini rivojlantiradi, dunyoqarashni kengaytiradi.

Mashg’ulot yakunida bolalarni rag’batlantirish.