Maktabgacha muassasalar xodimlarini qayta tayyorlash va malakasini oshirish respublika

Tetiklashtiruvchi mashq

“Hayvonlar” o’yini

Bu o’yin quyidagicha olib boriladi. Tarbiyachi bolalarni yarim doira shaklida turib olishlarini so’raydi. Bolalarning quloqlariga besh xil uy hayvonlarining nomini ketma- ket aytib chiqadi. Hayvonlarning nomlari har uchta bolaga bir xil aytiladi. Bolalar o’zlariga mansub bo’lgan turdagi sheriklarini izlaydilar. Bunda hamma o’zicha ovoz bilan bir- birini chorlashi kerak.(m-n ba-a, ba-a, mu-mu va hokazo) va bir xil “hayvonlar” bir- birini topib oladilar.

O’yindan so’ng tarbiyachi bolalarga hohlagan bir surat bo’yicha hikoya tuzishni taklif etadi.

Avval hayvonlarning bolalari bilan qanday hodisa yuz berganligi, keyin nima bilan tugallanganligi haqida hikoya tuzasizlar, deb tushuntiradi. Bolalar, hikoya qiziqarli, qisqa va tugallangan bo’lish shart. Boshqa bolalarga o’rtoqlarining hikoyalari mazmunli va to’g’ri tuzilganligini nazorat qilib borish topshiriladi. (3-4 boladan so’raladi).

Agar biror bola hikoyani tugallashga qiynalsa, tarbiyachi boshqa bolalardan hikoyani qiziqarli tugatishni taklif qiladi. Bunda hikoyani boshlash yoki tugallash namunasini berish, yo’naltiruvchi savollar berish bilan yordamlashish mumkin.