Мактабгача ёшдаги болаларнинг хотира диқҚат хусусиятларини ўрганиш

Курсни тугатиш ишнинг мавзусини долзарблигини белгиловчи бир қатор омиллар мавжуд:

1. 
   Хотира ва диққат билиш жараёнининг ўзига хос босқичи бўлиб, у инсон фаолиятида муҳим ўрин тутувчи омил саналади.
   
2. 
   Хотира ва диққат инсон ақлий қобилиятининг ривожланишининг муҳим шарт-шароитларидан бири саналади.
   
3. 
   Боланинг ақлий қобиолияти учун зарур билимлар манбаининг шаклланиши уларнинг ўзига бўлган ишончини ўстиради.
   
4. 
   Ахборотлар оқимини ўсиб бориши, инсон хотирасининг доимий равишда зарур маълумотларни ўзлаштиришга ҳозир туришини тақозо этади. Бу фаолиятни самарали ташкил этиш учун болаликнинг ҳар бир босқичида инобатга олиш лозим.
   

Мактабгача ёшдаги болалар хотирасининг ўзига хос томони ихтиёрсиз эсга олиб қолиш ва ихтиёрсиз эсга туширишнинг хослиги билан боғлиқдир. Уларнинг хотирасини ривожланиши аста-секин ихтиёрсизликдан бевосита ихтиёрий ва билвосита эсга олиб қолиш ҳамда эслашга алмашиб боради.
Айнан психология фани қонуниятларига кўра хотира ривожланишининг ушбу босқичида ҳаракат, эмоционал, образли ва сўзли хотира турлари кетма-кетликда вужудга келади.
Болалик даври инсон ақлий камолотининг энг пойдеворлик даври бўлганлиги боис, бир қатор мамлакатларда (АҚШ, Япония, Англия, Канада, Германия, Венесуела) таълим жараёнида боланинг ақлий имкониятларини, хусусан, хотирасини ривожлантиришга қаратилган тизим шакллантирилган. Бола хотирасининг мактабгача ёш давридаги устуворлиги унинг ақлий тараққиёти ва билиш фаолиятининг кейинги босқичларида пойдевор вазифасини бажаришини инобатга олиб, битирув малакавий иш доирасида тадқиқот олиб боришни лозим деб топдик.
Курсни тугатиш ишининг тадқиқот объекти: Термиз шахридаги мактабгача таьлим муассалари.
Курсни тугатиш ишининг тадқиқот предмети: Мактабгача ёшдаги болаларнинг хотира ва диққат жараёнлари диагностикасининг ўзига хос хусусиятлари.
Курсни тугатиш ишининг вазифалари
1. Хотира жараёни психологик феномен сифатида тадқиқ этилганлик ҳолати.
2. Хотира жараёнининг психологик-педагогик тадқиқотларда талқини.
3. Мактабгача ёшдаги болаларнинг хотира ва диққат жараёнини психологик тадқиқ этилганлик даражасини ўрганиш.
4. Диққат ва унинг ўзига хос психологик хусусиятлари.
5. Мактабгача ёшдаги болаларнинг хотира ва диққат жараёнини диагностикаси юзасидан тадқиқотни ташкил этиш.
6. Тадқиқот методлари ва методикалар банкини яратиш.
7. Мактабгача ёшдаги болаларнинг хотира жараёнини диагностикасига доир эпирик натижаларни тахлил қилиш.
8. Психологик-педагогик хулоса ва тавсиялар ишлаб чиқиш.