Мактабга тайёрлов гурущида йил давомида ытказиладиган математика маш\улотларининг та=симланиши

Болалар учун амалий иш.
Болалар столига ҳар бир бола учун доира шакли (картондан), оқ қоғоз, ручка ёки қалам ва саноқ чўпи қўйилади.
Тарбиячи: Болалар, олдингизда турган оқ қоғозга соат тасвирини ҳосил қиласиз. Оқ қоғознинг ўртасига картондан қирқилган доира шаклини қўйиб четларидан қалам билан юргизиб чиқинг ва доира шаклини четга олиб қўйинг. Мана оқ қоғозимизда доира шакли ҳосил бўлди, бу доирани қайчи билан қирқамиз. Энди доирани олиб тенг 2 га буклаймиз, яна буклаймиз. Доирамизни текислаб кўрамиз, қоғозда 4 та чизиқ ҳосил бўлди. Ҳар бир чизиқ оралигини кўз билан чамалаб 2 та нуқта қўйиб чиқамиз, шунда ҳар бир чизиқ оралиги 3 га бўлинади. Нуқталар оралиги тенг бўлсин. Ўнг томондан юқоридаги нуқтага 1 рақамини ёзамиз, ундан кейинги нуқталарга 2, 3, 4, 5, 6, 7, 8, 9, 10, 11, 12 рақамларини ёзиб чиқамиз. Соатнинг кўрсаткичини саноқ чўпдан ёки қоғоздан қирқиб қилишимиз мумкин. Мана соатимиз ҳам тайёр бўлди. Болаларнинг иши уларининг «Вақтни ўрганамиз» деб номланган бурчакларига қўйилади.
Билимларни мустаҳкамлаш учун ўйин:
Тарбиячи катта доира шаклини чизади ва шаклга битта рақамни қўяди. Болалар соатнинг қолган рақамларини ўз ўринларига қўйишлари керак. Ўйинда болалар 2 гуруҳга бўлиниб навбат билан ўйнашлари мумкин.
Болалар билимини текшириш ва мустаҳкамлаш учун саволлар:
1. Соат нима учун керак?
2. Соат ёрдамида биз нимани биламиз?
3. Соатда қайси рақамлар ёзилган?
4. Соат неча бўлганини қандай биламиз?
6. Соатдаги рақамларнинг ўрнини алмаштириб қўйиш мумкинми?
Тарбиячи Фаолият давомида ва якунида болаларни ширин сўзлар билан рағбатлантиради.


Сон ва саноқ
Мавзу: Предметларни 15 тагача санашни ўргатиш
Мақсад:

• 
  Болаларга 15 гача тартибли санашни ўргатишни давом эттириш.
  

Кутилаётган натижа:

• 
  Болалар нарсаларни 15 тагача тартибли билан санашни ўрганадилар.
  

Керакли жиҳозлар:

• 
  Қалам солиш учун 4 та идиш
  
• 
  60 та рангли қаламлар
  
• 
  Ҳар столга биттадан қутича маккажўхорилари билан
  
• 
  2 та қопча, 40 та коптоклар ва коптокларни солиш учун қути