Мактабга тайёрлов гурущида йил давомида ытказиладиган математика маш\улотларининг та=симланиши

Билимларни мустаҳкамлаш учун ўйин: “Кластер”.


Тарбиячи болаларга тўғри тўртбурчак, ромб ва квадрат шаклидаги медальионлардан биттадан бериб чиқади.
Полда катта ромб, унинг атрофига кичик ромблар, катта тўғри тўртбурчак -унинг атрофида кичик тўғри тўртбурчаклар, катта квадрат-унинг атрофида кичик квадратлар чизилган бўлади.
Агар тарбиячи “Шакллар юришибди” деса болалар юришади, “Шакллар катта уйга” деса, кимда қандай шакл бўлса, худди шундай катта шаклнинг ичига йиғилишади. “Шакллар 2 тадан бўлиб терилди” дейилса, катта шаклдан чиқиб 2 қатор бўлиб терилишади. “Ромблар кичик уйга” дейилса, ромб шаклини таққан болалар кичик ромб шаклларига туриб олишлари керак. “Шаклларни алмаштиринглар” дейилса болалар шаклларни алмаштиришади. Болалар хоҳлаганларича ўйинни давом эттириш мумкин.


Болаларнинг билимини ошириш ва мустаҳкамлаш учун саволлар:
Қуёш қандай шаклга ўхшайди?
Ромб шаклининг нечта томони бор?
Доира шаклининг нечта бурчаги бор?
Ромб шаклининг нечта бурчаги бор?
Нима учун доира ва учбурчак деймиз? Уларнинг номини бошқача айтса ҳам бўладими?
Тўртбурчак шаклининг нечта бурчаги бор?
Тўғри тўртбурчак, квадрат ва ромб шаклларининг ўхшаш жиҳатларини ва фарқларини айтинг.


Тарбиячи Фаолият давомида ва якунида болаларни ширин сўзлар билан рағбатлантиради.
Миқдор (Катталик)
Мавзу: Шартли ўлчов билан ўлчаш, ўлчов натижасини сонлар билан аниқлаш
Мақсад:
Болаларга нарсаларни шартли ўлчов билан ўлчаш, ўлчов натижасини сонлар билан аниқлашни ўргатиш.
Кутилаётган натижалар:
Болалар нарсаларни шартли ўлчов билан ўлчаш, ўлчов натижасини сонлар билан аниқлашни билиб оладилар.
Керакли жиҳозлар:
Тоғорачада ун (10 стакан)
Турли ўлчамда картон қирқимлари
Стакан, банкада сув


Фаолиятнинг бориши:
Тарбиячи: Болажонлар, олдинги Фаолиятларда қандай шартли ўлчовлар билан нарсаларни ўлчаган эдик?
Болалар ўтган Фаолиятларда мошни пиёлада, сувни стаканда стол юзасининг бўйи ва энини полоскада ўлчаганликлари эсга оладилар.