Maktabdan tashqari ta’lim muassasalarida to’garak mashg’ulotlari ishini hisobga olish jurnalni yuritish bo’yicha ko’rsatmalar

MAKTABDAN TASHQARI TA’LIM MUASSASALARIDA TO’GARAK MASHG’ULOTLARI ISHINI HISOBGA OLISH JURNALNI YURITISH BO’YICHA

KO’RSATMALAR

1. 
   To’garak mashg’ulotlari ishini hisobga olish jurnali davlat moliya hisobot hujjati hisoblanadi va uni har bir to’garak rahbari olib borishi shart.
   
2. 
   Bo’lim mudiri va o’quv ishlar bo’yicha direktor o’rinbosari doimiy ravishda jurnalning tog’ri olib borilishini nazorat qilib turishlari zarur.
   
3. 
   To’garak mashg’ulotlari ishini hisobga olish jurnali bir o’quv yiliga mo’ljallangan bo’lib, u har bir togarakda olib borilishi lozim.
   
4. 
   Jurnaldagi yozuvlar aniq, tartibli va muntazam olib borilishi kerak. Jurnal o’quv ishlar o’yicha direktor o’rinbosarida saqlanadi.
   
5. 
   Jurnalning ikkinchi betida to’garak rahbari o’zi olib boradigan to’garak nomini, muassasa rahbari tomonidan tasdiqlangan mashg’ulot jadvalini, to’garak rahbarining ism-familiyasi, otasining ismi, to’garak a’zolari sardorlarining to’liq ism-familiyasini yozib qo’yadi.
   
6. 
   Jadvaldagi o’zgarishlar o’quv ishlari bo’yicha javobgar shaxs bilan kelishilgan holda jurnalning ikkinchi betida qayd qilinadi.
   
7. 
   To’garak ishini hisobga olish uchun 16-99-betlar ajratilgan bo’lib, unda to’garak a’zolari tarkibi (ism-familiyasi) to’liq, mashg’ulotlar mavzusi, to’garak ishining bajarilgan soati va muddati jadvalga muvofiq ko’rsatiladi.
   
8. 
   To’garak rahbari a’zolarning davomatini jurnalda mashg’ulotlarga ajratilgan kunlar va soatlar ustidan muntazam belgilab boradi va sababsiz kelmaganlarga “--” belgisi, sababli qatnashganlarga “+” belgisi qo’yiladi.
   
9. 
   To’garak tashkil topgan kundan 10 kun muddatda to’garak a’zolarining ro’yxatini tuzadi va tegishli ustunlarni toldiradi. Agar to’garak tarkibida o’zgarish bo’lsa, u holda ketgan to’garak a’zolari familiyasi ro’parasiga “ro’yxatdan chiqqan” deb belgilanadi, yangi qabul qilinganlar “to’garak a’zolari ro’yxati”ga kiritilib, qabulqilingan muddati ko’rsatiladi.
   
10. 
    To’garak rahbari to’garak a’zolarning doimiy suratda xafsizlik texnikasi bo’yicha ko’rsatma berib boradi va o’quvni muvaffaqiyatli o’zlashtirilganlarni “Ko’rsatmadan o’tgan to’garak a’zolari ro’yxati”ga kiritiladi.
    
11. 
    O’quv yili tugagach, jurnal to’garak a’zolarining hisob varaqchasi va yillik hisoboti bilan birga muassasa mamuriyatiga topshiriladi.
    
12. 
    2 – betdagi “jo’r bo’luvchi” iborasi o’quvchilar Saroyiga tegishli.