Maktab ta’limini- rivojlantirish umumxalq harakatiga aylanishi zarur Sh. M. Mirziyoyev

Maktab ta’limini- rivojlantirish umumxalq harakatiga aylanishi zarur Sh.M. Mirziyoyev

F arg’ona viloyati Bag’dod tumani 27-umumiy o’rta ta’lim maktabi tarix fani o’qituvchisi Dilnoza Ikromovaning tarix darslarida foydalanish uchun NA’MUNAVIY MA’LUMOTLAR JAMLANMASI

O’zingiz yashayotgan joy nomining kelib chiqishi, tarixi bilan hech qiziqqanmisiz? Agar keksalardan so’rab, tarixiy kitoblarni varaqlab ko’rsangiz, albatta, bir-biridan qiziq faktlarga duch kelasiz. Shunday noyob ma’lumotlarni Farg’ona viloyati tumanlari toponimikasida ham uchratamiz.
Bag’dod
Viloyatdagi tuman markazi, qishloq nomi. Tuman va qishloq nomini Iroqning poytaxti Bag’dod shahri nomidan olingan deyishadi. Bag’dod so’zi “bog’” va “dod” so’zlaridan iborat bo’lib, “arz so’rash bog’i” degan mazmunni beradi. Bundan tashqari “’bog’” – “xudo” va “dod”- “bergan” so’zlaridan kelib chiqqan, deb izohlovchilar ham bor.
Farg’ona
Viloyat, shahar va tuman nomi. Bu nom eng qadimiy nomlardan biri bo’lib, dastlab Mug’ tog’idan (VIII asr) topilgan.So’g’d hujjatlarida , so’ngra “Hudud al-olam”da Ishtaxriy, Muqaddasiy asarlarida viloyat nomi sifatida qayd etilgan Farg’ona so’zining etimologiyasi haqida bir qancha rivoyatlar bor. Rivoyat qilishlaricha, Farg’onani Nushirvon bunyod etgan. U bu yerga har bir joydan bittadan qabila ko’chirib keltirgan. Shunday qilib turli joylardan kelgan kishilar imoratlar qurib, ekin ekkanlar. Bu kishilar “az har xona”, ya’ni “har xonadondan” deb atalgan. Farg’ona so’zi shundan olingan. Sanskrit tilida Parkana “viloyat, kichik ulus” degan ma’noni bildiradi. Farg’ona fors-tojik tilidagi parkana – “atrofi berk vodiy” so’zidan olingan degan taxminlar bor.