Maktab dunyo imoratlarining eng muqaddasi va qadrlisidir

Marralarga yo'llovchi maskan.

"Maktab - dunyo imoratlarining eng

muqaddasi va qadrlisidir"

Behbudiy.

Ha, maktab - eng ulug' va eng muqaddas g'osha. U go'yo polaponlar ko'z ochgan uyaga o'xshaydi. Ular bu go'shada qanot qoqib, uzoq-uzoqlarga parvoz qiladilar.

Beg'ubor, mitti bolajonlar esa "maktab" deb nomlanuvchi muqaddas bir maskanga o'qish, yozish neligini anglamasdan qadam bosadilar. Dillarida bir olam hayajon, ko'zlarida shodlig-u quvonch bilan qo'llariga qalam tutadilar. O'qish, yozishni o'rganib o'z hayotida buyuk kashfiyot yaratadilar. Shunday ulug' ishni yaratuvchisi tabarruk dargoh - ilm maskani bo'lmish maktabdir. Bu dargohda buyuk zotlar kamol topib, yuksak cho'qqilarni zabt etgan.

" Maktab voyaga yetayotgan avlod tafakkurini shakklantirish ustaxonasidir. Agar kelajakni qo'ldan chiqarishni istamasang, maktabni qo'lda mustahkam tutmog'ing lozim" deb yozgan edi ulug' allomalardan biri. Maktab - kelajak poydevori. Uni mustahkam qurish esa biz yoshlarning qo'limizda. Agar u mustahkam qurilmasa, albatta, qulab tushishi mumkin.

Bola nozik nihol. U qanday parvarish qilinsa, shunday voyaga yetadi. Yurtimizda bolalarga g'amxo'rlik ko'rsatish, ular orasidan iste'dodlarni izlab-topish, ularni rag'batlantirishga alohida e'tibor berilmoqda. Yurtboshimiz tashabbusi bilan bu borada faxrlansa arzigulik islohatlar amalga oshirilyapti. Bu esa bolajon xalqimizga cheksiz quvonch bag'ishlashi, shubhasiz.

Bu borada e'tibor maktablardan ham chetda qolayotgani yo'q. Bugungi kunda maktablar zamonaviy texnologiyalar bilan jihozlanmoqda. Keng va yorug' xonalar, zamonaviy sport zallari, kutubxona va barcha imkoniyatlar kelajagimiz davomchilari bo'lmish bolalar uchundir.

Bir so'z bilan aytganda, bugungi kundagi islohatlarning barchasi xalq uchun va O'zbekiston deb atalmish jannatmakon diyor uchundir. Bularning qadriga yetmog'imiz lozim.