Maksudov ravshan hasanovich o`quv ishlari bo`yicha prorektor

O‘zbekistonning Respublikasining birinchi Prezidenti Islom Karimov respublikamiz mustaqilligi uchun sabot bilan kurash olib borgan 1989-1991 yillarda sobiq SSSR hamda O‘zbekistonda ijtimoiy-siyosiy vaziyat tubdan o‘zgardi. Endilikda Islom Karimov va respublika hukumati ko‘p muammolarni markazning ko‘rsatmasi bilan emas, balki mustaqil tarzda hal qila boshladi. Mustaqillik ostonasida I.Karimov Farg‘ona pedagogika instituti bazasida universitet tashkil etish masalasini ham o‘rganib chiqib, uni ijobiy hal etishni ma’qul deb topdi.

1991 yil 1 martda O‘zbekistonning Respublikasining birinchi Prezidenti Islom Karimovning imzosi bilan Farg‘ona shahrida pedagogika instituti negizida yangi oliy o‘quv yurti – universitet tashkil etish to‘g‘risida qaror qabul qilindi. SHunday qilib, mustaqillik e’lon qilinishi arafasida vodiyda birinchi, respublikada esa to‘rtinchi universitet – Farg‘ona davlat universiteti tashkil etildi. Universitetning birinchi rektori etib fizika-matematika fanlari doktori, professor M.Q.Qoraboev tayinlandi.

Keyingi yillarda universitetga fizika-matematika fanlari doktori, professor E.A.Abdullaev (1996-1999 yy.), fizika-matematika fanlari doktori, professor A.Q.O‘rinov (1999-2004 yy.), iqtisod fanlari doktori, professor M.Q.Ziyaev (2004-2005 yy.), biologiya fanlari doktori, professor M.H.Ahmedov (2005-2013 yy.), iqtisod fanlari doktori, professor Sh.X.Tashmatov (2013-2016yy), kimyo fanlari doktori, A.X.Xaitbaev (2016-2018yy)lar rektorlik qildilar. 2018 yildan boshlab universitetga texnika fanlari doktori, R.H.Maksudov rahbarlik qilib kelmoqda.

Xalq deputatlari Fargʼona viloyati Kengashi deputati,

Fargʼona davlat universiteti rektori,

texnika fanlari doktori, professor