Makroiqtisodiy tahlil va prognozlash

O’ZBEKISTON RESPUBLIKASI
OLIY VA O’RTA MAXSUS TA’LIM VAZIRLIGI
NAMANGAN MUHANDISLIK-QURILISH INSTITUTI





IQTISODIYOT KAFEDRASI
“MAKROIQTISODIY TAHLIL VA PROGNOZLASH”
FANI BO`YICHA


KURS ISHLARI BAJARISH YUZASIDAN


USLUBIY QO’LLANMA
NAMANGAN – 2020

Mualliflar: Sirojiddinov I.Q.
Jo’rayev E.S.
Boyturayev O.

Makroiqtisodiy tahlil va prognozlash fanidan kurs ishlarini bajarish yuzasidan uslubiy ko‘rsatma. (Oliy ta’limning sirtqi ikkinchi ta`lim Iqtisodiyot ta’lim yo‘nalishi 3 va 4-kurs talabalari uchun) –N., 2020 -24 bet.

Taqrizchi: A.Yuldashev - NamMQI «Iqtisodiyot» kafedrasining dotsenti, i.f.n.
R.Ismatov - NamMQI «Menejment» kafedrasining dotsenti, i.f.n.

Mazkur uslubiy ko‘rsatmalar O‘zbekiston Respublikasining “Ta’lim to‘g‘risida”gi Qonuni talablari asosida Oliy va o‘rta maxsus ta’lim vazirligi tomonidan tasdiqlangan “Makroiqtisodiy tahlil va prognozlash” fani o‘quv dasturi asosida yozilgan.

Ushbu uslubiy ko‘rsatmalarda keltirilgan kurs ishi mavzulari O‘zbekiston Respublikasida amalga oshirilayotgan iqtisodiy islohotlarning dolzarb muammolari, iqtisodiyot va uning tarkibiga kiruvchi tuzilmalar taraqqiyotining xususiyatlari hisobga olingan holda mamlakat va hududlarning istiqboldagi ijtimoiy-iqtisodiy rivojlanishi bilan bog‘liq muammolarga bag‘ishlangan.
Uslubiy ko‘rsatmalar “Makroiqtisodiy tahlil va prognozlash” fani bo‘yicha kurs ishi mavzulari namunalarini, talabalar uchun kurs ishini bajarishga oid tavsiyalarni, kurs ishini himoya etish tartibi, kurs ishiga rahbarlik qilish va uni baholash yuzasidan vazifalarni hamda tavsiya etilgan adabiyotlar ro‘yxatini o‘z ichiga olgan.

«Iqtisodiyot» kafedrasining ______-sonli yig'ilishida ma'qullandi Kafedra mudiri:_______________ dots. O.Aripov «____»_____________ 2020 yil O’quv-uslubiy bo’lim boshlig’i: _________ dots. T.Jo’rayev

Namangan muhandislik – qurilish instituti ilmiy-uslubiy kengashida ko'rib chiqilgan va tavsiya qilingan «__»_____2020 y.dagi ___ sonli majlis bayoni. (__ - son bilan ro'yhatga olingan).

KIRISH
Bakalavriat ta’lim yo‘nalishlari o‘quv jarayonining zarur elementi - ushbu yo‘nalishlar o‘quv rejasida ko‘zda tutilgan asosiy fanlardan kurs ishlarini bajarish hisoblanadi va talabalarda ilmiy izlanishlar olib borish ko‘nikmalarini tarbiyalash, tanlangan mavzuni mustaqil ravishda chuqur o‘rganish, nazariy bilimlarni amaliyot bilan bog‘lash, ilmiy, nazariy va amaliy xulosalarni shakllantirish va pirovardida yuqori malakali mutaxassislarni tayyorlashda muhim ahamiyatga ega.
Mazkur qo‘llanma sirtqi ikkimchi ta`lim Iqtisodiyot ta’lim yo‘nalishiga mo‘ljallangan o‘quv rejaga mos holda, 3 va 4-kurs bakalavriat asosiy fanlaridan “Makroiqtisodiy tahlil va prognozlash” fanidan kurs ishlarini bajarish bo‘yicha tavsiyalar va tartib-qoidalarni o‘z ichiga oladi.