Maket Akusherlik 2013. pmd

HOMILADORLIKNING ILK GESTOZLARI

HOMILADORLARNING QUSISHI VA TIYILMAYDIGAN

QUSISH

Homiladorlarning qusishi 

(

emesis gravidarum

). Ko‘p ayollar,

ayniqsa, birinchi marta bo‘yida bo‘lgan ayollar homiladorlikning

dastlabki oylarida ertalab ko‘ngli aynib, qusadi. Ular har kuni

qusmaydi; qusish ayolning sog‘lig‘iga ta’sir etmaydi. Bunday qu-

sish gestoz emas.

---

209

Homiladorlarning faqat ertalab emas, balki kuniga bir necha

marta, hatto ovqat yemasdan ham qusishi gestozga aloqador. Ayol

qusgan vaqtda ko‘ngli ayniydi, aksari ishtahasi pasayadi, o‘tkir va

sho‘r ovqatlarni ko‘ngli tusaydi. Ayol qusishiga qaramay ovqatning

bir qismi organizmda qoladi va homilador ayol vazni aytarli kamay-

maydi. Homilador ayol darmoni quriyotganini, jirtaki, uyquchan,

ba’zan esa uyqusiz bo‘lib qolganini aytadi. Homilador ayolning

umumiy ahvoli qoniqarli, temperaturasi normal bo‘lib; pulsi bir

qadar tezlashuvi (tomiri bir daqiqada 90 martaga qadar urishi)

mumkin. Homiladorlarning qusishi dastlabki 2–3 oyda kuzatiladi,

dori-darmon qilish natijasida yoki o‘z-o‘zidan yo‘qolib ketadi.

Homiladorlik qusishlarining uch darajasi tafovut qilinadi:

1 – yengil shakli;

2 – o‘rta og‘irlikdagi qusish;

3 – tiyilmaydigan qusish – og‘ir shakli.

Bularning barchasi yagona rivojlanuvchi patologik jarayonning

turli darajalari hisoblanadi va ular birinchi darajada tugallanishi

yoki og‘irlashuvi mumkin. Qusishning yengil shakli asab tizimida

funksional o‘zgarishlar (nevroz fazasi) bilan, o‘rtacha og‘irlikdagi

shakli – intoksikatsiya (toksikoz fazasi), og‘ir shakli esa – distrofik

(distrofiya fazasi) jarayonlar bilan xarakterlanadi.