Maket Akusherlik 2013. pmd

ICHKI A’ZOLARNI TEKSHIRISH

Ayol ko‘zdan kechirilgach, yurak, o‘pka va qorin bo‘shlig‘idagi

a’zolar tibbiyotda qabul qilingan umumiy usullar (auskultatsiya,

perkussiya, palpatsiya) bilan tekshiriladi. Barcha ichki a’zolar,

jumladan yurak-qon tomir tizimi, nafas olish a’zolari, ovqat

hazm qilish tizimi, siydik ajratish va chiqarish tizimi, asab tizimi

sinchiklab tekshirib ko‘rilishi lozim. Chunki, ichki a’zolar kasal-

liklari (ekstragenital kasalliklar) homiladorlik va tug‘ruqning kech-

ishiga, ona qornidagi homilaning rivojlanishiga salbiy ta’sir

ko‘rsatadigan og‘ir asoratlarga olib kelishi mumkin.

Akusher homilador ayolni tekshirayotganida uning jinsiy

a’zolaridan tashqari ichki a’zolarining ham muhim ahamiyatga ega

ekanligini unutmasligi lozim!

Qaysi kasalliklarda homilador bo‘lish taqiqlansa, o‘sha kasal-

liklarni o‘z vaqtida aniqlamoq uchun homilador ayollarning

yuragini, o‘pkasini va boshqa a’zolarini tekshirish juda ham zarur.

---

110

Homilador ayollarning arterial qon bosimi o‘lchanadi, siydigi

va qoni tekshiriladi, gavda vazni aniqlanadi.

Homiladorlikning ikkinchi yarmida arterial qon bosimi, gavda

vazni va siydigi muntazam ravishda tekshirib turiladi.

Yuqorida ko‘rsatilgan usullar bilan tekshirgandan keyin maxsus

akusherlik tekshirishiga kirishiladi.

Homiladorlikni dastlabki va keyingi oylarida aniqlash uchun

turli akusherlik tekshirish usullaridan foydalaniladi.