Малакавий амалиёти ҳисоботини қуйидагича тузилиши тавсия қилинади:
Кириш.
1. Амалиёт объектининг техник-иқтисодий таърифи:
а) Корхона, ташкилот фаолиятининг умумий таърифи;
б) Корхонани бошқариш тизимининг ташкилий-вазифавий тузилмаси.
2. Масаланинг (масалалар комплексининг) ташкилий-иқтисодий моҳияти.
3. Амалиёт объектида мавжуд бўлган ҳужжат алмашинуви тизимининг таҳлили.
4. Масаланинг (масалалар комплексини) ечишда қўлланиладиган дастурий - техник воситаларининг тавсифи.
5. Корхонада ахборот тизимини ривожлантириш истиқболлари.
Хулоса ва таклифлар.
Фойдаланилган адабиётлар рўйҳати.
Иловалар.
1.3. Амалиёт ҳисоботини расмийлаштириш
Талабаларнинг ўқув малакавий амалиёт ҳисоботи белгиланган муддатда ёзиб тугатилгандан сўнг якунланади. Ҳисобот талабанинг амалиёт ўташ жар аёнида қилинган ишлар натижалари билан боғлиқ бўлиши шарт. Амалиёт ҳисоботининг титул варағи иловада берилган.
Амалиёт натижалари бўйича ҳисобот материаллари қўлёзмада 297 х 210 мм. ўлчамдаги стандарт қоғоз варақларида аниқ ва равшан бажарилиши шарт. Ҳисоботнинг матн қисми, жадваллар, схемалар, расмлар ва уларга мувофиқ тушунтиришлар ва таҳлиллар билан тўлдирилиши лозим. Иловаларда бланкларнинг намунавий шакллари ва мазкур ташкилотда (корхонада) фойдаланилган бошқа реквизитлар берилиши мумкин.
Талабанинг амалиёт кундалигини тўлдиришга ва расмийлаштиришга алоҳида эътибор қаратилиши лозим. Талабанинг кундалик бажарган иши календар иш режасига мос ҳолда акс эттирилиши керак. Шу билан бирга амалиёт жараёнида талабага илмий тадқиқот ишлар бўйича берилган шахсий топшириқлар аниқ ва мазмунли бўлиши лозим. Талабанинг амалиёт кундалигининг барча бўлимлари тўлик ва батафсил тўлдирилгандан сўнг, амалиёт ҳисоботи кафедрага ҳимоя учун тақдим этилади.
2. Амалиётни ташкил қилиш ва унга рахбарлик қилиш
“Информатика ва ахборот технологиялари” таълим йўналиши бўйича талабаларнинг малакавий амалиёти “Ахборот технологиялари” марказларида, ишлаб чиқариш ва ноишлаб чиқариш корхоналарида, банк муассасаларида, солиқ, божхона ташкилотларида, давлат бошқаруви ташкилотлари ва вазирликларда, илмий-текширув ва лойиҳа институтларида ташкил қилинади. Амалиётнинг барча базалари замонавий ахборот-коммуникация технологиялари тизимлари ва техник воситалари билан жиҳозланган бўлиши керак.
Амалиётга ўқув – услубий раҳбарлик ва бошқариш кафедра ўқитувчилари томонидан амалга оширилади.
Амалиёт раҳбарига қуйидаги мажбуриятлар юкланади:
- талабаларни амалиётини ўташ тартиби, уларнинг ҳуқуқлари ва мажбуриятлари ҳақидаги йўриқномалар билан таъминлаш;
Do'stlaringiz bilan baham: |