Махсус таълим вазирлиги тошкент давлат иқтисодиёт университети

8. КУРС ИШИНИ ТАҚРИЗГА ТАҚДИМ ЭТИШ

Тайёрланган курс иши талаба томонидан кафедрага тақриз учун тақдим этилади. Кафедра лаборанти курс ишини қайднома дафтарига белгилаб, расмийлаштиради ва уни талабанинг илмий раҳбарига топширади. Талабанинг илмий раҳбари курс ишига тақриз ёзади. Унда курс ишининг ижобий томонлари ва камчиликлари кўрсатилади. Шунингдек, тақризда курс ишининг камчиликларини, йўқотиш бўйича тавсияномалар берилади. Илмий раҳбар томонидан тақриз охирида курс ишига хулоса берилиб, унда курс ишини ҳимояга қўйиш ёки қўймаслик ҳақида ҳулоса чиқарилади.

Илмий раҳбар ижобий тақриз олган талабалар курс ишига ёзилган тақризда кўрсатилган камчиликларни ёзма равишда тузатиб, курс иши бўйича қўйилган саволларга тайёр ҳолда кафедра томонидан тузилган комиссия ҳузурида ўз ишларини ҳимоя қиладилар. Талаба курс ишининг рейтинг баҳоси кафедрада тузилган комиссия томонидан қўйилади. Курс ишини ўз вақтида топширмаган ва ҳимоя қилмаган талабалар уни топширгунларига қадар “Кадрлар менежменти” фанидан якуний назоратга қўйилмаслигига асос бўла олади.


9. КУРС ИШИГА ТАҚРИЗ ЁЗИШ ВА УНИ ҲИМОЯ ҚИЛИШ

Ёзиб тугалланган ва илмий раҳбар томонидан маъқулланган, муқоваланган курс иши белгиланган муддатда кафедрага топширилади ҳамда тақриз килинади.

Курс иши тақризида ишнинг илмий даражасига, амалий тавсияларнинг асосланганлигига ва уларнинг аҳамиятига баҳо берилиши, йўл қўйилган мавжуд камчиликлар кўрсатилиши ҳамда талаба маҳорати баҳоланиши лозим (7-илова).
Талаба курс ишини ҳимоя қилишга тайёргарлик пайтида бажарилган мавзунинг мазмун-моҳияти бўйича қисқача маъруза матнини тайёрлаши ҳамда ҳимоя тақдимоти учун зарур бўладиган кўргазмали материалларини тайёрлаб қўйиши, тақриз мазмуни билан танишиб чиқиши ва тақризчи эътирозларига жавоб тайёрлаган бўлиши керак. Курс иши ҳимоясига ахборот-комммуникация воситаларидан фойдаланган ҳолда тақдимот тайёрлаш талаб этилади.
Курс иши ҳимояси уч аъзодан иборат таркибдаги комиссиянинг очиқ мажлисида ҳимоя қилинади. Талаба 10-15 дақиқа мобайнида курс ишининг асосий жиҳатларини баён этади, тадқиқотнинг энг муҳим жиҳатларини изоҳлаб беради, таклиф ва хулосаларни айтади ҳамда берилган саволларга жавоб беради.
Комиссия курс ишининг ҳимоя натижаси ва илмий раҳбарнинг тақризини ҳисобга олган ҳолда уни 5 баҳоллик тизим бўйича баҳолайди.