Махсус таълим вазирлиги тошкент давлат иқтисодиёт университети

4–мисол. Институционал назариянинг қайси йўналиши вакилларини
навбатдаги семинарга тайёрланмаган талабанинг қуйидаги баҳонаси
қизиқтирмайди: "Университет кутубхонаси ёпиқ эди, бошқа кутубхонада
керакли китоб топилмади ва умуман олганда бизда ушбу ҳафтада
тайёргарлик кўриш лозим бўлган иккита тест ва битта курс иши бор эди"?
а) "эски" институционализм;
б) "янги" институционал иқтисодиёт;
в) неоинституционал иқтисодиёт.
Жавоб: в), методологик индивидуализм тамойилига кўра фақат талабанинг
ўзи ўз ишининг ташкил этилишига жавоб беради, ташқи институционал омиллар
эса иккинчи даражали бўлиб, талабанинг ўқишга бўлган муносабатини акс
эттиради.
 

---

192
КЕЙСЛАР
Расмий ва норасмий институтлар: талабаларнинг кўчиришларига қарши
қандай курашиш мумкин?
Талабаларни дастур ёрдамида чиқариб олинган кўчирма учун ҳайдашади.
Виржиния штати университети физика факультетининг профессори Лу Блумфилд
(LowBloomfield), талабалар ўртасида кўп сонли адабий ўғирлик ҳолатлари ҳақида
эшитиб, унга киритилган талабалар ишларини 50 соат ичида матнли кўринишларнинг
мос келиши нуқтаи назаридан таҳлил қиладиган махсус компьютер дастурини ёзди.
Таҳлил тугаганидан кейин дастур профессорни ғазаблантирадиган натижаларни берди,
— аниқланишича, талабаларнинг аксарияти ўз ишлари учункатта миқдордаги тайёр
матнларни Интернетдан ҳамда бошқа талабаларнинг ишларидан ўзлаштириб олар экан.
Про-фессорнинг талабига кўра университетда махсус текшириб бошланиб, унда 122
нафар талаба ва битирувчидан иборат рўйхат тузилди. Талабалар энди университетдан
ҳайдалиши, битирувчилар эса дипломдан маҳрум этилиши мумкин, деб хабар беради
«Associated Press». Университет ходимлари ушбу ибратли жараён ҳозирча қўлга
тушмаган талабаларга олий таълимнинг моҳияти нимадан иборат эканлигини англаб
етишга ёрдам беришига умид қилмоқда. Бундан ташқари, ходимларнинг эътироф
этишларича, ҳозирги вақтда компьютер техникасининг ривожланганлиги муносабати
билан ўзгалар матнларини ўзлаштириш жараёни аввалги ўн йилликка қараганда ғоят
соддалашди, чунки илгари китоблардан ёки бошқа ишлардан ахборотни қўлда кўчириш
ёки босмалаш лозим эди.