Махсус таълим вазирлиги мирзо улуғбек номидаги

 

---

112 
16-МОДДА 
1. Балоғат ѐшига етган эркаклар ва аѐллар ирқи, миллати ѐки диний 
белгилари бўйича ҳеч қандай чеклашларсиз никоҳдан ўтишга ва оила 
қуришга ҳақли. Улар никоҳдан ўтишда, никоҳда турган вақтларида ва уни 
бекор қилиш вақтида бир хил ҳуқуқдан фойдаланади. 
2. Никоҳдан ўтаѐтган ҳар икки томоннинг эркин ва тўлиқ розилиги 
асосидагина никоҳ тузилиши мумкин. 
3. Оила жамиятнинг табиий ва асосий ҳужайраси саналади ва жамият 
ҳамда давлат томонидан ҳимоя қилинишга ҳақли. 
 
17-МОДДА 
1. Ҳар бир инсон якка ҳолда, шунингдек, бошқалар билан биргаликда 
мулкка эгалик қилиш ҳуқуқига эга. 
2. Ҳеч ким зўравонлик билан ўз мулкидан маҳрум этилиши мумкин 
эмас. 
18-МОДДА 
Ҳар бир инсон фикр, виждон ва дин эркинлиги ҳуқуқига эга; бу ҳуқуқ 
ўз дини ѐки эътиқодини ўзгартириш эркинлигини ва таълимотда, тоат-ибодат 
қилишда ва диний расм-русм ҳамда маросимларни оммавий ѐки хусусий 
тартибда адо этиш, ўз дини ѐки эътиқодига якка ўзи, шунингдек, бошқалар 
билан бирга амал қилиш эркинлигини ўз ичига олади. 
 
19-МОДДА 
Ҳар бир инсон эътиқод эркинлиги ва уни эркин ифода қилиш ҳуқуқига 
эга; бу ҳуқуқ ҳеч бир тусқсиз ўз эътиқодига амал қилиш эркинлигини ҳамда 
ахборот ва ғояларни ҳар қандай восита билан, давлат чегараларидан қатъи 
назар, излаш, олиш ва тарқатиш эркинлигини ўз ичига олади. 
 
20-МОДДА 
1. Ҳар бир инсон тинч йиғинлар ўтказиш ва уюшмалар тузиш ҳуқуқига 
эга. 
2. Ҳеч ким бирор бир уюшмага киришга мажбур қилиниши мумкин 
эмас. 
21-МОДДА 
1. Ҳар бир инсон бевосита ѐки эркин сайланган вакиллар воситаси 
орқали ўз мамлакатини бошқаришда қатнашиш ҳуқуқига эга. 
2. Ҳар бир инсон ўз мамлакатида давлат хизматига киришда тенг 
ҳуқуққа эга. 
3. Халқ иродаси ҳукумат ҳокимиятининг асоси бўлиши лозим; бу ирода 
даврий ва сохталаштирилмаган, ялпи ва тенг сайлов ҳуқуқидан, яширин овоз 
бериш йўли билан ѐки овоз бериш эркинлигини таъминлайдиган бошқа тенг 
қийматли шакллар воситасида ўтказиладиган сайловларда ўз аксини топиши 
лозим.