Mahorat maktabi” da malaka oshirayotgan psixologlar uchun “Psixologik korreksiya” yo‘nalishi bo‘yicha tavsiya va maslahatlar

5. Mening guruhim. Mavzu guruh a’zolariga o‘z xis-tuyg‘ularini izhor qilish bilan bog‘lik. Guruh a’zolari xonaning turli joylariga shunday joylashtiriladiki, ular o‘rtasidagi masofa emotsional yaqinlikni aks ettirsin.

6. Odatiy hayotiy holatlar. (iltimos, talab, ayblash, janjallashish, kechikish vxk.)

7. «Men» mavzusi. Aniq bir mijozning muammolariga taalluqli bo‘lgan mavzular. “Men qandayman”, “Men qanday bo‘lishni istayman”, “Atrofdagilarga qanday ko‘rinaman”, “Men odamlar orasidaman”, “Mening oilam”, “Mening hayotim”, “Mening jarohatim”.

8. Ertak. Ertak mavzusi va fantaziyalaridan foydalanib mavzuga bog‘lanadi. Mijozlar sehrgarlar, sehrlangan qaxramonlar rolini tasvirlaydilar.

Pantomima jarayonida “Egizaklar” va “Oyna” tipidagi yordamchi usullardan ham foydalaniladi. Ularning mohiyati shundaki mijozlarga nutqsiz o‘zaro bog‘lanish uchun sharoit yaratish, o‘zini o‘zgalar ko‘zi bilan ko‘rish (agar guruh a’zolari rol o‘ynayotgan mijozning nutqsiz harakatlarini takrorlashsa) va joiz bo‘lgan variantlar haqida ma’lumotga ega bo‘lishdir.

10-Mavzu. Biblioterapiya
V.M.Myasiщevning yozishi bo‘yicha – “Biblioterapiya uslubi o‘zida kitobshunoslik, psixologiya, psixoterapiya, psixokorreksiyaning murakkab qo‘shilmasini mujassam etadi.

Biblioterapiya- mijozga maxsus yo‘nalish berish, yo‘naltiruvchi ta’sir etib, maxsus tanlangan adabiyotni o‘qitib, ruhiy holatini normallashtirish yoki optimizatsiyalashga qaratiladi.

Korreksiya (yo‘naltirilgan) o‘qishning oddiy o‘qishdan farqi uning u yoki bu ruhiy jarayon, holat, shaxs xususiyatlariga yo‘naltirilganligi:

o‘zgargan - ularning normallashuvi;

normal - ularni bosiqlik, vazminlashtirish uchun.

Korreksiya (yo‘naltirilgan) o‘qishning ta’siri shundaki, u yoki bu obrazlar va ular bilan bog‘liq hissiyotlar, qiziqish, xohish-istak, fikrlar kitob orqali qabul qilinib, o‘z obraz va fikrlarining kamchiligini to‘ldiradi, xavotirli fikr va hissiyotlarni o‘zgartiradi yoki yangi oqim, yangi maqsad sari yo‘naltiradi. SHunday qilib, mijozning hissiyot ta’sirini kuchaytirish yoki bo‘shashtirishga ta’sir etib, ruhiy muvozanatni tiklashga qaratiladi.