122
“EREMURUS ROBUSTUS” O’SIMLIGI TARKIBIDAGI
OSHLOVCHI MODDALARNING KIMYOVIY TAHLILI.
M.B.Davlatova
1
, I.Yu.Mexmanov
2
, G’.O.Mamajanov
3
.
1
Talaba,
2
o’qituvchi,
3
dotsent v.b. NamDU
Hayvonlarning xom terisini oshlash xususiyatiga ega va ko’p atomli fenollar
unumidan tashkil topgan hamda o’simliklardan olinadigan yuqori molekulali zaxarsiz
murakkab organik birikmalar o’simlikning oshlovchi moddalari - tanidlar deb ataladi.
Oshlash jarayonida oshlovchi moddalar terining oqsil moddalari bilan birikib,
erimaydigan birikma hosil qiladi. Natijada hayvonlar terisi o’zidan suv
o’tkazmaydigan, chirimaydigan, elastik va shu kabi xususiyatlarga ega bo’ladi.
Oshlovchi moddalarning bu xususiyatiga polifenollarning hamma unumlari ham
ega bo’lavermaydi. Terini oshlay oladigan polifenollar molekulyar og’irligi 500 bilan
3000 o’rtasida bo’lishi lozim. Polifenollar molekulyar og’irligi 500
dan kam
bo’lganda, ular oqsil moddalar bilan adsorbtsiya bo’lsa ham, turgun birikma hosil qila
olmaydi. Molekulyar ogirligi 3000 dan ortiq bo’lgan polifenollar esa
molekulalarining yirikligi sababli kollagenning fibrinlari orasidan sizib o’tib, turg’un
birikma berishi qiyin. Polifenollar terini oshlash xususiyatiga ega bo’lishi uchun ular
molekulasi tarkibida yetarli miqdorda gidroksil guruhi (har 100 ta birligida kamida 1-
2 gidroksil guruhi) bo’lishi ham kerak.
Tanidlarning terini oshlash xususiyati kishilarga qadimdan ma`lum. Yuqori
Misrning aholi yashagan yerlaridan (bundan 5000 yil burun)
xom teri, oshlovchi
materiallar va oshlangan terilar topilgan. Bu keltirilgan dalillar kishilar qadim
zamonlardan beri terini oshlashni bilganliklarini va shu maqsadda tarkibida tanidlar
bo’lgan o’simliklardan foydalanganliklarini ko’rsatadi.[1]
Tanidlar tabiatda keng tarqalgan bo’lib, ayniqsa g’allalarda, o’simliklarning
patologik o’simtalarida ko’p (ba`zan 70 % dan oshadi) bo’ladi.
Oshlovchi moddalar o’simliklarning hamma organlarida to’planishi mumkin.
Ular daraxt va butalar po’stlog’ida, yog’ochlik qismida hamda ko’p yillik o’t
o’simliklarning yer ostki organlarida ko’p bo’ladi. Ba`zan tanidlar daraxt va butalar
bargida, mevasida, o’t o’simliklarning barcha yer ustki qismida ham to’planadi.
Turli o’simliklardan olingan oshlovchi moddalar kimyoviy tarkibi bo’yicha bir-
biridan katta farq qiladi.
Shunga qaramay, ularning tanidlarga xos umumiy belgilari
bor. Barcha tanidlar molekulasida doimo bir nechta oksi guruh (OH) saqlovchi
benzol yadrosi bo’ladi. Boshqacha qilib aytganda, barcha oshlovchi moddalar ko’p
atomli fenollar - polifenollar unumidir. Benzol yadrosidagi oksi guruxlar soni kamida
ikkita qator - o’rta holatda (pirokatexinga o’xshash) yoki uchta bo’lib, qator - vitsinal
(pirogallolga o’xshash) joylashadi.
Oshlovchi moddalarning o’simlik to’qimasida qanday sintez bo’lishi to’g’risida
turli fikrlar avvaldan mavjud. Keyingi vaqtda bu fikrlarning bir qismi o’simliklar
(ayniqsa, tuban o’simliklar) ustida o’tkazilgan tajribalar asosida tasdiqlandi.
Oshlovchi moddalar asosan ikkita katta guruhdan-
gidrolizlanuvchi va
kondensatsiyalanuvchi tanidlardan tashkil topgan. Ular kimyoviy tuzilishiga ko’ra bir
123
- biridan katta farq qiladi. Shuning uchun oshlovchi moddalar bu ikkala guruhining
o’simliklardagi biosintezi turli yo’llar bilan boradi.
Oshlovchi moddalarning suvdagi eritmasi kuchsiz kislotali xossaga ega
bo`lgan kolloid eritmadir. Ularning oqsil modda, og’ir
metallarning tuzlari,
alkoloidlar cho`ktirishi mumkin. Fenol gidroksili bo`lganligi uchun FeCl
3
bilan qora-
yashil va qora ko`k rangli cho`kma xosil qiladi.
Ulardan tayyorlangan dorilar meditsinada me`da-ichak, og’iz va tomoq
yallig’lanishida (stomatit, gingivit) teri kuyganida, ekzema, yaralarni davolashda
burishtiruvchi,
bakteritsid modda sifatida, ichakdan qon ketishini to`htatishda
ishlatiladi. Alkalloid, og’ir metallar tuzlari bilan zaharlanganda ham ishlatiladi.
O`simlikning jaroxatlangan joyida hujayra shirasi va oziq moddalar to`planadi.
Shuning uchun o`zida oshlovchi moddalar saqlagan o`simliklarda paydo bo`lgan
o`simtalar taninga boy bo`lib 30 - 77% gacha bo`ladi, ulardan toza tanin olinadi.[2]
Eremurus yoki Shirach - Xanthorrhoeaceae oilasiga mansub Asphodelaceae
turkumiga kiruvchi ko'p yillik o’t o'simliklar hisoblanadi. Balandligi 50-120 sm
bo'lgan ko'p yillik o'simlik. Ildizpoyali geofit. Ildizpoyasi qalin va kalta. Ildizlari
tolali, qalinlashgan; uzunligi 20 sm gacha, poyasining bo'yni eski barglardan ozgina
tolalar bilan ajralgan. Barglari ildiz bo’g’zidan boshlanib keng chiziqli, qilichsimon,
o’tkir uchli
yoki chiziqli lansetsimon, uzunligi 20-40sm va eni 8-20 mm bo’ladi.
Poyada ketma-ket joylashgan. Poyasi silindrsimon shaklda bo’lib uzunligi 40-80 sm
gacha va undan ham yuqori bo’lishi mumkin. Gullari oltita yaproqsimon, aktinomorf
gultojli. Gultojbarglarining rangi och sariq 10-12 mm bo’ladi. Gulbandning uzunligi
12-16 mm.
Eremurus robustus o’simligini Markaziy Osiyoning ko’plab mintaqalarida
hususan O’zbekiston, Qozog’iston, Tojikiston o’lkalarining tog’li hududlarida, Tyan-
Shan, Oltoy hamda Pomir Oloy tog’ tizmalarida, tog’oldi va o’rta qismlarida ko'rish
mumkin. O’zbekiston hududida ushbu turkumga mansub 32 ta tur o’sadi.
200 ml xajmli tagi tekis kolbaga o`simliklardan tayyorlangan 10% li tanid
ajratmasidan 50 ml solindi va ustiga 10 ml konsentrlangan (1:1) HCl va formalinning
40% li eritmasidan 15 ml qo`shildi. So`ngra kolbani tik turuvchi sovutkich bilan ulab
plitkada to qora-qizil rang cho`kma hosil bo`lguncha qizdirildi. Xosil bo`lgan
cho`kmani filtr qog’ozda suzilganda, cho`kma ushlanib qoldi (kondensatsiyalangan
oshlovchi moddalar) va qog’ozdan o`tib ketgan suyuqlikda
esa gidrolizlangan
oshlovchi moddalarning bo`laklari bo`ladi. Bu oshlovchi moddalar qoldig’ini
aniqlash uchun 5 ml suyuqlikdan olib, ustiga 1 g kristall holidagi sirka kislotasining
natriyli tuzidan asta-sekin solindi va suyuqlikni chayqatmay temir-ammoniyli
achchiq toshning 1% li eritmalardan 10 tomchi qo`shildi. Natijada kristall ustidagi
neytral joy xosil bo`lgan yerdagi oshlovchi moddalarning (gidrolizlangan) parchalari
borligini tasdiqlovchi ko`k-zangori rangli to`garakcha xosil bo`ldi.
Do'stlaringiz bilan baham: