Mahallalar oʻrtasida “Zakovat” intellektual oʻyinining Respublika turnirini tashkil etish va oʻtkazish tartibi toʻgʻrisida nizom

---

Mahallalar oʻrtasida “Zakovat” intellektual oʻyinining Respublika turnirini 
tashkil etish va oʻtkazish tartibi toʻgʻrisida 
NIZOM 
I. Umumiy qoidalar 
“Zakovat” intellektual oʻyini – jamoaviy musobaqa boʻlib, unda jamoalar 
belgilangan 
vaqt 
doirasida 
mantiqiy savollarga javob berish boʻyicha 
musobaqalashadi. Oʻyin davomida jamoalarning maqsadi raqiblarga qaraganda 
koʻproq savollarga toʻgʻri javob berishdan iborat. 
Yoshlar ishlari agentligi, “Zakovat” intellektual klubi nodavlat notijorat 
tashkiloti turnir tashkilotchilari hisoblanadi. 
II. Turnirni oʻtkazish tartibi 
2.1. Turnir 
5 bosqichda
oʻtkaziladi: 
1-bosqich – mahalla bosqichi; 
2-bosqich – sektor bosqichi; 
3-bosqich – tuman (shahar) bosqichi; 
4-bosqich – hududiy bosqich; 
5-bosqich – Respublika bosqichi. 
Mahalla bosqichi: 
koʻchalarda (koʻp qavatli uylar) kesimida jamoalar roʻyxati shakllantiriladi va 
telegram bot orqali roʻyxatdan oʻtkaziladi;
koʻchalar kesimida shakllangan jamoalar oʻrtasida saralash bosqichlari tashkil 
etiladi hamda mahalla bosqichida koʻchalar kesimida saralangan jamoalar oʻzaro 
bellashadi; 
mahalla bosqichida gʻolib boʻlgan jamoa keyingi bosqichga yoʻllanmani qoʻlga 
kiritadi. 
Sektor bosqichi: 
mahalla bosqichida gʻolib boʻlgan jamoalar sektor bosqichida oʻzaro 
bellashadi; 
intellektual oʻyinda 1, 2, 3-oʻrinni qoʻlga kiritgan gʻolib jamoalar keyingi 
bosqichga yoʻllanmani qoʻlga kiritadi (istisno tariqasida sektorda 4 tadan kam MFY 
mavjud boʻlsa, bunda jamoalar tuman (shahar) bosqichida ishtirok etishi mumkin). 
Tuman (shahar) bosqichi: 
sektor bosqichida gʻolib boʻlgan jamoalar tuman (shahar) bosqichida oʻzaro 
bellashadi. 
intellektual oʻyinda 1-oʻrinni qoʻlga kiritgan gʻolib jamoa keyingi bosqichga 
yoʻllanmani qoʻlga kiritadi.