Mahalla va oila

O‘QUV KURSINI O‘QISH BO‘YICHA USLUBIY KO‘RSATMALAR 
Ushbu  kurs  mahalla  raislarining  oila,  xotin-qizlar  va  ijtimoiy-ma’naviy 
masalalar  bo‘yicha  o‘rinbosarlarini  oila  psixologiyasi  yo‘nalishi  bo‘yicha, 
xususan,  mahallada  aholining  turli  guruhlariga  psixologik  xizmat  ko‘rsatish 
tizimining o‘ziga xos jihatlariga oid bilimlarini rivojlantirishga hamda mahallada 
maqsadli  ravishda  aholiga  psixologik  xizmat  ko‘rsatish  samaradorligini 
oshirish  bo‘yicha  zarur  bilimlar  bilan  qurollantirishga va  ularning  faoliyatini 
takomillashtirishga mo‘ljallangan.  
Mana  shu  vazifalar  va  maqsadlardan  kelib  chiqqan  holda  mazkur  
mahalla raislarining oila, xotin-qizlar va ijtimoiy-ma’naviy masalalari bo‘yicha 
o‘rinbosarlarini  oila  psixologiyasi  yo‘nalishi  bo‘yicha  malakasini  va 
kompitensiyasini ta’minlovchi o‘quv - uslubiy majmua tayyorlandi.  
Kursning
  maqsadi
  -  mahalla  rais  o‘rinbosalarining  oila  psixologiyasi, 
xususan  shaxs  psixologiyasi,  yoshlar  psixologiyasi,  psixologiyaning  yosh 
xususiyatlari,  shaxslararo  munosabatlarga  oid  bilimlarini  kengaytirish,  oila 
muammolari  va  ularni  hal  etish  yo‘llari  bilan  tanishtirish,  shaxsning  ilk 
psixologik-ma’naviy  qadriyatlari  shakllanadigan  ijtimoiy  institut  bo‘lgan 
oilaning  nufuzini  ko‘tarish,  jamiyatda  oilaviy  munosabatlar  muqaddasligi 
tamoyilini joriy etishdan iboratdir.  
 Kursning
 vazifasi 
– mahalla rais o‘rinbosalarining psixologik bilimlarini 
oshirish,  bunda  ularga  oila  psixologiyasiga  oid  nazariy  hamda  amaliy 
bilimlarni berish va olingan bilimlarni amaliyotga tatbiq etish kompetensiyasini 
oshirish.