Mahalla va oila

Ambulator davolash - bemor o‘z uyida qolib, yaqin poliklinikaga chiqib, kerak bo‘lgan muolajalarni qabul qiladi.
Stastionar davolanish - bemor kasalxonaga yotqiziladi.
Aholining sog‘lom bo‘lib o‘sishi va rivojlanishi, uzoq umr ko‘rishini ta’minlash ustuvor yo‘nalishlardandir.
Mamlakatimizda kasalxona, poliklinika va ambulatoriyalar, ayollar konsultatsiyalari, dispanserlar, sanatoriya profilaktika muassasalari, bolalar boshqa tibbiyot muassasalarining keng tarmog‘i mavjud. Sanitariya

• 
  epidemiologiya xizmati mamlakatning sanitariya holati ustidan nazorat o‘rnatib, yuqumli va boshqa kasalliklarning muntazam kamayib borishini ta’minlaydi, atmosfera havosi va suv havzalarini sanoat hamda turmush chiqindilari bilan ifloslanishdan asraydi.
  

Bugungi kunda dolzarb bo‘lgan masalalardan biri ijtimoiy ahamiyatli kasalliklardir.
Ijtimoiy ahamiyatli kasalliklar bu-ijtimoiy iqtisodiy sharoitga bog‘liq, jamiyatga katta zarar yetkazadigan va insonni ijtimoiy himoya qilishni talab etadi.
Sil, onkologik, jinsiy yo‘l bilan yuqadigan kasalliklar, OIV, moxov (lepra) kasalligi, ruhiy kasalliklar.
Sil-yuqumli kasallik bo‘lib, kox tayoqchalari ya’ni bakteriyalari o‘pka yoki tananing boshqa qismini shikastlaydi.
Onkologik kasallik - inson organizmida paydo bo‘ladigan zararli o‘simta.
Jinsiy yo‘l bilan o‘tadigan kasalliklar - asosan jinsiy aloqa paytida yuqadi. Kishining reproduktiv salomatligiga ta’sir ko‘rsatadi.
OIV- orttirilgan immun tanqisligi. Inson organizmi turli kasalliklar bilan kurasha olmaydi.
Moxov (lepra) kasalligi - moxov [arab. mahv – yo‘q qilish yoki chetlatish], lepra, prokaza – butun organizmni, xususan, teri, nerv tizimi hamda ichki a’zolarni zararlaydigan surunkali infeksion kasallik. Uni kislotaga chidamli moxov mikobakteriyasi (Mycobactererium leprae Hansen) qo‘zg‘atadi.
Ruhiy kasalliklar - ruhiy kasalliklar, psixozlar – bosh miya faoliyatining buzilishidan kelib chiqadigan kasalliklar: ruhiy faoliyatning funksional o‘zgarishidan to uning butunlay buzilishigacha bo‘lgan holatlar. Psixik kasalliklarda bemor voqelikni to‘g‘ri idrok etolmaydi, shu jihatdan psixik kasalliklar ichki kasalliklardan farq qiladi. Psixik kasalliklarning sabablari xilma-xil, bular orasida irsiy omil (nasl) asosiy o‘rin tutadi. Masalan, oligofreniya, psixopatiya, manakal-depressiv psixoz, epilepsiya va shizofreniyaning kelib chiqishida kishining nasl-nasabi muhim rol o‘ynaydi. Psixik kasalliklarning paydo bo‘lishi va avj olishiga infeksion kasalliklar, bosh miyaning shikastlanishi, intoksikasiya, ruhiy iztiroblar ham sabab bo‘lishi mumkin.