Магистрлик иши

Tadqiqot ishining ilmiy yangiligi. Magistrlik ishida Xiva xonligida, saroy qabul marosimlarining o’ziga xos jihatlari va uning davlat boshqaruv tizimida tutgan o’rni, ta’siri masalalari ilk bor kompleks ravishda o’rganib chiqildi.
Ishda, xususan, xonlikda saroy unvon va mansablari, amaldorlarni mansabga tayinlash tartiblari bilan bog’liq masalalar keng yoritildi;
Mazuning XIX-XX asr boshlarida o’rganilishi natijalari davrlashtirilib, umumlashtirilgan xulosalar ishlab chiqildi;
Xonlikda saroy qabul marosimlari qoidalari shakllanishining tarixiy sharoitlari va ijtimoiy-siyosiy omillari haqidagi ma’lumotlar tizimlashtirildi va ilmiy muomalaga kiritildi;
Xonlikda taxtga merosxo’rlik an’anasi, Xonni taxtga o’tqazish marosimi va uning o’ziga xos jihatlari, belgilari ko’rsatib berildi;
Kengash instituti va uning Xiva xonligida davlat boshqaruvini amalga oshirishdagi ahamiyati qiyosiy-tarixiy tahlil asosida, davriy izchillikda ko’rsatib berildi,
Xonnining mahalliy amaldorlar va fuqarolarni qabul qilish tartiblari bo’yicha ma’lumotlar tizimlashtirildi va ilmiy xulosalar ishlab chiqildi.
Xiva xonligining xalqaro aloqalari rivojida elchilik munosabatlarining ahamiyati hamda xorijlik elchilarni va fuqarolarni qabul qilish tartiblarining shakllanishi va rivojlanishi masalasi belgilangan tarixiy davr doirasida, umumlashtiruvchi tadqiqot sifatida kompleks o’rganildi.
Tadqiqot natijalarining ilmiy-amaliy ahamiyati. Keng doiradagi ilmiy ma’lumotlarni hisobga olgan holda, yangi uslubiy va nazariy yondashuvlar asosida Xiva xonligida saroy qabul tartiblari va marosimlarining o’ziga xos xususiyatlari o’rganildi, umumlashtirildi.
Dissertatsiya natijalaridan, umumlashtirilgan xulosalaridan oliy o’quv yurtlari talabalariga ma’ruzalar o’qish jarayonida, xalqaro aloqalar tarixi bo’yicha maxsus kurslar tashkil qilishda, O’rta Osiyo tarixining tegishli bo’limlari, darsliklar va o’quv qo’llanmalari yozishda, shuningdek O’zbekistonda tarixiy-madaniy merosni o’rganish va targ’ib qilish, yangi turistik yo’nalishlar tashkil etish va turizmni rivojlantirishda foydalanish mumkin.