Magistratura bo’limi

1.2-jadval
Osiyo mamlakatlarida kichik va o’rta biznes korxonalarida mehnat qilayotgan ishchilar ulushi¹⁷

Davlatlar	KO’B korxonalarida band ishchilar ulushi, %
Yaponiya	79,9
Koreya Respublikasi	80,5
Tayvan	77,2
AQSH	50,7
Buyuk Britaniya	58,5

Yaponiyada asosiy e’tibor yirik biznes bilan kichik va o’rta biznes o’rtasida kooperativ aloqalar tizimini shakllantirishga qaratildi. Iqtisodiyotning mazkur bo’g’ini mamlakatda ishlab chiqarilayotgan yalpi ichki mahsulotning yarmidan ko’prog’ini bermoqda.
Aynan shunday iqtisodiy siyosat natijasida Yaponiyada islohotlarning boshlang’ich davrida aholi jon boshiga 500 AQSH dollari miqdorida daromad to’g’ri kelgan bo’lsa hozirga kelib bu ko’rsatkich 38 ming dollarga yetmoqda. Bu – dunyodagi eng yuqori ko’rsatkichlardan biridir.
Mamlakatimizda kichik biznes va xususiy tadbirkorlik tizimi faoliyati subyektlarining YaIM dagi ulushi taraqqiy etgan davlatlardagidan 45,7% past.
Nazarimizda, bunday tendensiyaning vujudga kelishiga sabab shuki, ro’yhatga olingan korxonalarning 90% kichik biznes va xususiy tadbirkorlik tizimi faoliyati subyektlari bo’lsa, ularning asosiy qismini - 94%ini mikrofirmalar tashkil etadi. Iqtisodiyotdagi jami bandlarning 72,3%i kichik biznes va xususiy tadbirkorlik tizimi faoliyati sektoriga to’g’ri kelsa-da, ularning asosiy qismi 53,1%i xususiy sektorda faoliyat yuritadi.
Tahlillar ko’rsatishicha, qishloq xo’jaligida tashkil etilayotgan korxonalar salmog’i 68,6%, sanoatda tashkil etilayotgan kichik korxonalar salmog’i 6,0% atrofida saqlanib qolmoqda. Tarmoqlar tarkibining ushbu holati kichik biznes va xususiy tadbirkorlik tizimi faoliyati va xususiy tadbirkorlik tizimi faoliyatining YaIM dagi ulushida sanoat mahsulotlarining pastligi bilan belgilanadi.
Ikkinchidan, davlat mulki tarkibida yirik sanoat korxonalari salmog’ining yuqoriligi bilan belgilanadi.
Shu bois, kichik biznes va xususiy tadbirkorlik tizimi faoliyatini rivojlantirishning maqsadli hududiy dasturini mintaqa xususiyatiga mos ravishda ishlab chiqish va unda yirik korxonalar bilan kichik biznes va xususiy tadbirkorlik tizimi faoliyati subyektlarining tashkil etishni rejalashtirish maqsadga muvofiqdir.
Respublikamizdagi korxonalarning YaIMdagi ulushini oshirish uchun xorijiy mamlakatlarning tayyor mahsulotlar ishlab chiqarish va sotish borasidagi ilg’or tajribasidan milliy xususiyatlarimizdan kelib chiqqan holda foydalanish maqsadga muvofiq, deb hisoblaymiz.