Магистратура” БЎлими 5А231101 – жахон иқтисодиёти (минтақалар ва фаолият турлари бўйича) мутахассислиги

Тадқиқотнинг мақсади. Жаҳон фонд биржаларининг ривожланиш хусусиятларини, Глобаллашув жараёнида Ўзбекистон фонд бозорининг халқаро фонд бозорларига интеграциялашувини таҳлил қилиш ва Ўзбекистоннинг халқаро фонд бозорларидаги иштироки самарадорлигини ошириш йўллари доир таклиф ва тавсиялар ишлаб чиқишдан иборат.
Тадқиқот аҳамияти, замини ва асослари. Тадқиқот ишининг илмий аҳамияти тадқиқот жараёнида олинган илмий хулоса ва тавсиялардан Ўзбекистонда акциялар бозор қийматини баҳолаш ва биржа нархини шакллантиришга ҳамда уларнинг ўзаро эквивалентлигини таъминлашга қаратилган келгусидаги махсус илмий-тадқиқот ишларида фойдаланиш мумкинлиги билан белгиланади.
Тадқиқот ишининг амалий аҳамияти акциялар бозор қийматини баҳолаш ва нархини шакллантириш ва уларнинг ўзаро эквивалентлигини таъминлаш бўйича хулосалар, назарий тавсия ва амалий таклифлардан давлатнинг махсус чора- тадбирлар дастурини ишлаб чиқишда, баҳолаш ва молия-кредит институтлари амалиётида ҳамда олий ва ўрта-махсус таълим муассасаларининг ўқув жараёнида фойдаланиш мумкинлиги билан белгиланади.
Бугунги кунда Ўзбекистонда фонд бозорини ислоҳ қилиш ва эркинлаштириш бўйича қуйидаги устувор йўналишларда илмий тадқиқотлар олиб борилмоқда: Ўзбекистон фонд бозорида акциялар қиймати ва нархи эквивалентлигини таъминлаш йўллари, Ўзбекистонда молия бозорининг ликвидлигини жаҳон талаби даражасига олиб чиқиш, Ўзбекистонда фонд бозорининг иқтисодиётдаги функцияси самарадорлиги ва ролини оширишнинг асосий йўналишлари каби олиб борилаётган илмий ишлар ушбу тадқиқот учун асос хисобланади.
Бўлажак диссертациянинг таҳминий тузилмаси. Тадқиқот иши кириш, учта боб, саккиз та параграф, хулоса ва таклифлар, фойдаланилган адабиётлар рўйхатидан иборат.
Тадқиқотни биринчи боби “ Фонд бозорлари ривожланишининг назарий асослари ” деб номланган бўлиб унда фонд бозорларининг моҳияти, мазмуни ва жаҳон иқтисодиётдаги ўрни, фонд бозорлари ва биржа битимларининг ўзига хос хусусиятлари, фонд бозорлари ривожланишининг мёрий ҳуқуқий асослари келтириб ўтилган.
Иккинчи боб “Ўзбекистон ва халқаро фонд бозорларининг интеграциясининг замонавий тенденсиялари” деб номланган бўлиб, унда фонд бозорлари самарадорлигини оширишнинг жаҳон тажрибалари, Ўзбекистон ва халқаро фонд бозорлари муносабатларининг статистиc таҳлили, Ўзбекистонда портфел инвеститсияларнинг ривожланиш динамикаси таҳлили келтириб ўтилган.
Учинчи боб эса “ Ўзбекистон қимматли қоғозларини халқаро фонд бозорларидаги нуфузини ошириш истиқболлари” деб номланган бўлиб, унда Ўзбекистон ва жаҳон молия марказлари инвеститсион муносабатларини ривожлантириш йўналишлари, Жаҳон фонд биржаларининг ривожланиш хусусиятларини Ўзбекистонда тадбиқ этиш истиқболлари тахлил қилинган. Ишда ҳар бир боб якунида бобга қисқа хулосалар берилган. Тадқиқотнинг хулоса қисмида изланиш асосида келинган хулосалар ва айрим муаммоли вазиятлар юзасидан тегишлича таклифлар берилган.