Маҳаллаларда ёшлар билан ишлаш тизимини тубдан такомиллаштириш чора-тадбирлари тўғрисида

Муҳтарам Президентимизнинг 19 январ 2022 йилдаги ПҚ-92 сонли “Маҳаллаларда ёшлар билан ишлаш тизимини тубдан такомиллаштириш чора-тадбирлари тўғрисида”ги қарорига асосан ёшлар билан ишлашнинг янгича бошқарув механизмларини жорий қилиш, улар билан ишлашнинг вертикал тизимини яратиш, ёшлар муаммоларини бевосита маҳаллаларда хал этиш, таълим муассасаларида маънавий-маърифий ва тарбиявий ишларнинг самарадорлигини янада ошириш мақсадида Ўзбекистон фахрийларини ижтимоий фаолиятини қўллаб-қувватлаш нуроний жамғармаси ва ёшлар агентлиги билан ҳар бир маҳаллада муаммоли ёшларнинг рўйхатлари шакллантирилиб, бир нуронийга ўн нафар ёш ва кекса авлод учрашувлари лойиҳаларини амалга ошириш белгилаб берилган. Шу асосда туманда жами 58049 нафар ёшлар мавжуд бўлиб, шундан 1124 нафар муаммоли ёшларга жумладан 32 нафар профилактик ҳисобга олинган, 29 нафар тарбияси оғир ёшларга ва 247 нафар маънавий кўмакка муҳтож ёшларга 129 нафар фаол нуронийлар бириктирилиб, шу асосда нуроний ҳамда ёшлар суҳбатлари ўтказилиб, нуронийлар томонидан ўзларининг босиб ўтган ҳаётий тажрибаларини ёшларга айтиб, бугунги кунда мамлакатимизда ёшларга бўлган эътибор, уларнинг маънавиятини юксалтиришда кекса авлод вакилларининг тажрибалари асосида йўналишлар берилди. Бугунги кунга қадар 468 нафар ёшларнинг муаммолари бартараф этилиб, уларнинг ҳаётида ижобий ўзгаришлар бўлишига эришилди. 656 нафар ёшлар билан бевосита нуроний отахонлар тегишли ташкилотлар билан ҳамкорликда уларнинг муаммоларини ечиш борасида ишларни амалга оширмоқда. Бугунги кунга қадар маҳаллаларда бевосита ёшлар билан “Ёшлар фестивали” доирасида маърифий-маданий тадбирлар ўтказилиб, ёшларни бўш вақтларидан унумли фойдаланиш мақсадида уч авлод учрашувлари ўтказилди. Ҳар бир маҳаллада ана шундай учрашувлар ўтказиш графиги ишлаб чиқилган бўлиб, маҳаллаларда фаолият юритаётган кексалар маслаҳат гуруҳи аъзолари ҳамда фаол нуронийлар жалб этилган.

Туман маҳалла ва нуронийларни қўллаб-қувватлаш бўлими бошлиғи Б.Хушназаров