M. Xоliqоvа, Sh. Ergаshеvа 2222 diktаntlаr to‘plаmi (5-9 sinflаr uchun) t оshkеnt 2012

Sаdriddin Аyniy
Ko‘chirma va o‘zlashtirma gaplar
Mir Alisher bilan xasta odam
Mir Alisherning oldiga bir odam kelib, salomatligi yomonligidan shikoyat qilib:

– Mavlono Mir Alisher, siz ko‘pni ko‘rgan, dono odamsiz, shoirsiz, adolatparvar amirsiz, ammo tabiblikdan xabaringiz yo‘qligi juda yomon-da, – debdi.

• 
  Qayeringiz og‘riydi? – deb so‘rabdi Mir Alisher.
  
• 
  O‘zim ham bilmayman, hamma joyim og‘riydi, tanamda madorim yo‘q, – deb javob beribdi haligi kishi.
  
• 
  Unday bo‘lsa, bir shifosi bor, – debdi Mir Alisher. – Har kuni ertalab bir namoz vaqti, peshinda bir namoz vaqti, kechqurun yana bir namoz vaqti yer chopib, qolgan paytlarda o‘z kasbingizni qiling, inshoollo, tezda tuzalib ketasiz...
  

Oradan bir necha muddat vaqt o‘tgach, haligi odam yana Mir Alisherning oldiga kirib kelib:

• 
  Meni tanidingizmi, taqsir? – deb so‘rabdi.
  
• 
  Tanishga tanidim-ku, ammo salomatligingiz qalay? – debdi Mir Alisher.
  
• 
  Otdayman. Shoirdan ham tabib chiqar ekan-da, sizning aytganingizni qilib, tamomila darddan xalos bo‘ldim, – debdi u kishi mamnun bo‘lib. (127 so‘z)
  

“El desa Navoiyni” kitobidan. To‘plovchi M.Jo‘raev