M. T. Yulchieva, N. T. Atamuratova

Gigrofitlar.  Gigrofitlar  gidrofitlardan  farq  qilib,  quruqlikdagi  namlik 
sharoitida  yashaydi.  Botqoqlikda,  daryo  bo’ylarida  o‘rmonlarda  yashagani 
uchun  barglari  yirik,  kutikulasiz,  tuksiz,  og‘izchalari  bargning  ikki  tomonida 
bo‘ladi.  Suv  ko‘p  bo‘lgani  uchun  alohida  ochiq  holda  tuzilgan  og‘izchalar 
mavjud bo‘lib ular gidatodlar deb ataladi. Ayrim o‘simliklarda bir minutda bir 
necha  o‘nlab  suv  tomchisi  gidratodlardan  tomib  turadi.  Ular  tanasidagi  suv 
bosimi  8—10  atmosferaga  qadar  boradi.  Gigrofit  o‘simliklarga  savagich, 
qamish, qiyoq va madaniy o‘simliklardan sholi misol bo‘ladi.