M. T. Xodjiyev, M. I. Hikmatova tabiiy tolalarga

1.5.  PAXTA TERISH MASHINALARI
Mahalliy  tuproq  va  iqlim  sharoitlariga  qarab,  paxta  hosili  turli 
mintaqalarda  har  xil  texnologiya  bo‘yicha  yig‘ishtiriladi.  Lekin 
respublikamizda qo‘llaniladigan texnologiyalarning asosini quyidagilar 
tashkil etadi:
—  hosili  pishib  yetilgan  dalalarning  chetlarida  mashina  uchun 
burilish yo‘laklari qoldiriladi, o‘qariqlar tekislanadi;
—  g‘o‘za barglari defoliatsiya qilinadi;
—  qurigan barglar to‘kilib, hosil 60 foiz (gorizontal shpindelli mashina 
bilan terganda 85—90 foiz) atrofida ochilgandan so‘ng, birinchi terim, 
qolgan qismi ochilgandan so‘ng ikkinchi terim boshlanadi;
—  hosil qoldiqlari maxsus mashinalarda yoppasiga yig‘ilib, qisman 
tozalanadi;
—  iqlim  sharoiti  paxtaning  to‘liq  ochilishiga  imkon  beradigan 
joylarda hosilni bir marta yig‘ishtirish bilan cheklaniladi.
Paxta  yig‘im-terimida  bajaradigan  ishi  bo‘yicha  ishlatiladigan 
mashinalar quyidagi turlarga bo‘linadi:
1.  Ochilgan  paxtani  teradigan  mashinalar,  ya’ni  paxta  terish 
mashinalari.
2.  Paxta hosili qoldiqlarini yig‘ishtiradigan hamda tozalay digan, yerga 
to‘kilgan paxtani yig‘ishtiradigan, ko‘sak teradigan va ko‘sak chuviydigan 
mashinalar.

---

28
3.  Dalani  g‘o‘zapoyadan  tozalaydigan  mashinalar:  g‘o‘zapoyani 
sug‘urib olib, dala chetiga chiqaradigan yoki uni o‘rib maydalab, dalaga 
sochib ketadigan mashinalar.
Vertikal  shpindelli  paxta  terish  mashinasining  tuzilishi  va  ishlashi. 
Vertikal (tik) shpindelli paxta terish mashinalari ochilgan chanoqlardagi 
paxtani terish uchun mo‘ljallangan. Paxta terish mashinasining asosiy 
qismi  quyidagilardan  iborat  (1.5-rasm). Terish  apparatlari  bloki  (8), 
yig‘gich  (7),  rama  (11),  bunker  (6),  tozalash  barabani  (4 ),  boshqaruv 
maydonchasi (12), mashinani yuvish tizimi, elektr jihozlari, gidrotizim, 
uzatish va yurgizish moslamalari.
Mashinaning  g‘o‘za  teradigan  qismlari  maxsus  to‘skichlar  bilan 
yopilgan  bo‘lib,  ochilgan  paxtani  to‘kilishdan  saqlaydi.  G‘o‘za  shox-
larini barabanlar oralig‘iga yo‘naltirish uchun terish apparati shox larni 
ko‘targich  va  yo‘naltirgichlar  bilan  jihozlangan.  Mashi naning  ishchi 
qismlariga  traktorning  quvvat  olish  validan  tarqatish  reduktori  orqali 
harakat uzatiladi. Terilgan paxta havo so‘rish tizimi yordamida bunkerga 
o‘tadi. Bunker ag‘darma tipda bo‘lib, terilgan paxtani tirkama aravaga 
bo‘shatadi.
Suv tizimi mashinaning shpindellarini yuvadi va bakka suv to‘ldiradi. 
Elektr jihozlari traktor yuritgich (dvigatel) ini ishga tushirish, uning ishini 
nazorat qilish, tunggi smenada ish joyini, mashina qism va mexanizmlarini 
yoritish uchun mo‘ljallangan. Mashinani boshqaruvchi barcha qismlar 
boshqaruv maydonchasiga o‘rnatilgan.
14XV—2,4 rusumli to‘rt qatorli paxta terish mashinasi. To‘rt qatorli 
vertikal  shpindelli  bu  mashina T—28X4M  rusumli  traktorga  o‘rnatib 
ishlatiladi.  U  qatorlar  orasi  60  sm  bo‘lgan  uchastkalardagi  ochilgan 
ko‘saklar paxtasini terishga mo‘ljallangan.
Mashinaning  ishlash  texnologik  sxemasi.  Mashina  dalada  hara-
katlanayotganda uning g‘o‘za tuplarini ko‘taruvchi apparatlari va oldingi 
g‘ildirakning  to‘sig‘i  paxtasi  teriladigan  to‘rtta  qatordagi  g‘o‘ zalarni 
barabanlar orasidagi ish tirqishlariga yo‘naltiradi. Barabanlar mashinaning 
harakatlanish  tomoniga  teskari  yo‘nalishda  aylanadi.  Ularning  aylana 
tezligi mashinaning harakat tezligidan 1,6 baravar kattadir; shunga ko‘ra 
barabanlar  g‘o‘za  tupini  apparatlarning  ish  tirqishiga  tortayotganida 
shoxlarni ortiqcha egmaydi va sindirmaydi.
Barabanlar atrofida joylashgan shpindeller g‘o‘zalarga va ko‘saklarga 
tegib turadi va ish tirqishlari zonasida barabanlarning ay lanish tomoniga 
nisbati  teskari  aylanib,  ochilgan  ko‘saklar  pax tasini  tishlari  bilan  ilib 
oladi-da,  o‘ziga  o‘raydi.  Barabanlar  paxta  o‘ralgan  shpindellarni  ish 
zonasidan cho‘tkali barabanlar (paxta ajratish) zonasiga olib o‘rgandan 

---

29
keyin shpindellar teskari tomonga aylana boshlaydi.
Paxtani shpindellardan ajratib oluvchi baraban (ajratgich) lar tashqi 
cho‘tkalarining  aylana  tezligi  shpindellarning  aylana  tez ligidan  olti 
baravar  katta.  Shu  sababli  shpindellardan  paxta  to‘la  ajratib  olinib, 
ajratkichdan ajratkichga, so‘ngra tirqishsimon kameraga tishlanadi, bu 
yerdan paxta ventilator yo‘naltirayotgan havo oqimiga ergashib, mashina 
bunkeriga borib tushadi. Qabul kamerasi tubsiz bo‘lganligidan kesak, 
tosh, yetilmagan ko‘sak kabi og‘ir aralashmalar yerga tushib ketadi.
Ikki qatorli o‘rnatma XVN—1,2A paxta terish mashinasi. XVB—1,8 va 
XVA—1,2 yarusli paxta terish mashinalari. Paxta terish mashinalarining 
g‘o‘za tupidagi ochilmagan ko‘saklarni ezadigan moslamasi (PRK). G‘o‘za 
tuplaridagi  ko‘saklarning  qurishi  va  ochilishini  tezlatish  maqsadida 
birinchi va ikkinchi terimdan keyin defolatsiya o‘tkazish tavsiya etilmoqda. 
Lekin dalalarni bu usulda tayyorlash samaradorligi ko‘p jihatdan tashqi 
omillarga (havoning harorati, namligi, shamol va boshqalarga) bog‘liq.
Paxta terish mashinalarining qoldiq hosilni terish moslamasi (PDK). 
Paxta va ko‘sak terishning yangi usulida ko‘sak terish mashinalari kabi 
g‘o‘za tuplarini tarashga to‘g‘ri kelmaydi. Bunda mashinalarning maxsus 
valiklari ko‘saklarni ezib chiqadi-da, paxtasini tortadi, keyin shpindellar 
uni o‘ziga o‘rab oladi, ya’ni teradi. Chaqish valiklarining aylanma tezligi 
har xil bo‘lganligidan ular chaqilgan ko‘saklarning har pallasidan paxtani 
tortib oladi.
SKO—2,4, SKO—3,6, va SKO—5,4 ko‘sak terish mashinalari. SKO—2,4, 
SKO—3,6 va SKO—5,4 ko‘sak terish mashinalarining tuzilishi, texnologik 
ish jarayoni, sozlanish, moslanish tartibi hamda ularning texnikaviy qarovi 
amalda bir-biridan farq qil maydi. Mashinalar o‘rtasidagi asosiy farq ish 
apparatlarining  har  xil  joylashganligidan  iborat.  Masalan,  SKO—2,4 
mashinasida ish ap paratlari 60 sm li qator oralariga, SKO—5,4 va SKO—3,6 
ma shinalarida esa 90 sm li qator oralariga moslab joylashtirilgan; shu 
bilan birga, SKO—2,4 va SKO—3,6 mashinalari bir yo‘la to‘rt qatorning, 
SKO—5,4 mashinasi esa olti qatorning paxtasini teradi.
Gorizontal  shpindelli  paxta  terish  mashinasining  tuzilishi  va 
ishlashi.  Gorizontal  shpindelli  paxta  terish  mashinasi  ham  vertikal 
shpindelliga o‘xshab, shpindelli barabanlar, ajratkichlar, terilgan paxtani 
uzatish  moslamasi,  bunker  kabi  qismlardan  iborat  bo‘lib,  ochilgan 
paxta  hosilini  terishga  mo‘ljallangan.  Bu  mashina  vertikal  shpindelli 
mashinadan  shpindelli  barabani,  ajratkichi  va  shpindellarni  yuvib 
tozalash moslamasining tuzilishiga ko‘ra tubdan farq qiladi.
Mashina apparatining texnologik ish jarayoni. Erkin turgan g‘o‘zapoya 
shoxlari yo‘naltirgich (1) yordamida 70—100 mm qalinlikkacha kuchli 

---

30
siqilib, terish kamerasi (2) ga majburan tortib kiritiladi (1.6-rasm).
Kasseta  (3)  shpindellari  (4)  yo‘lakcha  (6)  ta’sirida  ishchi  kameraga 
deyarli perpendikular yo‘nalishda (A nuqda) kiritiladi va g‘o‘zapoyaning 
bir  joyida  aylanib  turadi,  chunki  mashinaning  siljish  tezligi V
m
  va 
kassetaning baraban bilan birgalikda oladigan chiziqli zichligi V
b
 o‘zaro 
teng. Shu sababli, o‘z o‘qi atrofida aylanayotgan shpindel g‘o‘za oralig‘iga 
kirayotganida paxtani tishlari bilan ilintirib, o‘z ustiga halqa ko‘rinishida 
o‘rab oladi. Paxta o‘rab olgan shpindellarni g‘o‘za shoxlari orasidan tik 
yo‘nalishda (V nuqtada) sug‘urib olgan kasseta, VS nuqtalar oralig‘ida 
ilgari  tomon  keskin  burilib,  shpindellarning  aylanishini  tezlatadi. 
Markazdan qochirma kuchlar ortishi sababli paxtaga ilingan xas-cho‘plar 
darcha  (5)  dan  tashqariga  chiqarib  yuboriladi,  demak,  paxta  qisman 
tozalanadi.  Bu  keskin  burilish  hisobiga  kassetadagi  shpindel  uchlari 
ajratkich likopchalari (7) ga tegadi. Shu vaqtdan boshlab, baraban bilan 
birga  aylanayotgan  kasseta  teskari  tomonga,  ya’ni  orqasiga  burilishi 
hisobiga, shpindelning ajratkichga uzoqroq tegib turishini (kassetaning 
SD nuqtalari orasida) saqlab qoladi.
Kasseta  o‘zining  SD  nuqtalari  orasidagi  masofada  orqaga  burilib, 
birinchidan, shpindelning ajratkich likopchalariga uzoqroq tegib turadi, 
ikkinchidan, shpindelning aylanish tezligi sezilarli kamayishi hisobiga 
o‘ralgan paxta halqasi inersiya kuchi ta’sirida qisman yechilib ulguradi, 
1.5-rasm.  Paxta terish mashinasining tuzilishi va texnologik ish jarayonining chizmasi:
a) — yon tomonidan; b) — ust tomonidan ko‘rinishi; 1 — shpindelli barabanlar; 2 — 
shpindellar; 3 — ventilyator; 4 — tozalash barabani;  
5 — ajratish barabani; 6 — bunker; 7 — yerga to‘kilgan paxtani yig‘gich;  
8 — terish apparatlari bloki, 9 — qabul kamerasi; 10 — to‘skich;  
11 — rama; 12 — boshqaruv maydonchasi; 13 — ajratkich.
13
12
4   5
3
6
11  10   9   8     7
13
1     2